തിരുവനന്തപുരം : കേന്ദ്രത്തിൻ്റെ നയങ്ങൾ ചൂണ്ടിക്കാട്ടി സംയുക്ത തൊഴിലാളി സംഘടനകൾ പ്രഖ്യാപിച്ച 24 മണിക്കൂർ ദേശീയ പണിമുടക്ക് ഏഴാം മണിക്കൂറിലേക്ക്. ഇത് കേരളത്തെ സാരമായി ബാധിച്ചിട്ടുണ്ട്. (National Strike today)
കെ എസ് ആർ ടി സി തിരുവനന്തപുരത്ത് സർവീസ് നടത്തുന്നില്ല. കടകൾ അടച്ചിട്ടു. വളരെ ചുരുക്കം ഓട്ടോകൾ മാത്രമാണ് നിരത്തിലിറങ്ങിയത്. സ്വകാര്യ വാഹനങ്ങൾ സർവ്വീസ് നടത്തുന്നുണ്ട്.
കൊച്ചിയിൽ കെ എസ് ആർ ടി സി ബസ് തടഞ്ഞു. ഇന്ന് അർധരാത്രി വരെയാണ് പണിമുടക്ക്. അതേസമയം, കേരള, എംജി, കാലിക്കറ്റ്, കണ്ണൂർ സർവകലാശാലകളിൽ ഇന്നു നടത്താനിരുന്ന സകല പരീക്ഷകളും മാറ്റിവച്ചിട്ടുണ്ട്. സർക്കാർ ജീവനക്കാർ അവധിയെടുക്കുന്നതിൽ നിയന്ത്രണമേർപ്പെടുത്തി ഡയസ്‌നോൺ പ്രഖ്യാപിച്ചിട്ടുണ്ട്.