ന്യൂഡൽഹി: ശബരിമല സ്വർണ്ണക്കൊള്ള കേസിൽ തിരുവിതാംകൂർ ദേവസ്വം ബോർഡ് മുൻ പ്രസിഡന്റ് എൻ. വാസുവിന് സുപ്രീംകോടതിയിൽ നിന്ന് കനത്ത തിരിച്ചടി (N Vasu Bail Plea Supreme Court). എൻ. വാസു സമർപ്പിച്ച ജാമ്യാപേക്ഷ സുപ്രീംകോടതി തള്ളി. ജസ്റ്റിസ് ദീപാങ്കർ ദത്ത അധ്യക്ഷനായ ബെഞ്ചാണ് അപ്പീൽ പരിഗണിച്ചത്. ഹർജി പരിഗണിക്കുന്നതിനിടെ, "നിങ്ങൾ ദൈവത്തെ കൊള്ളയടിച്ചില്ലേ?" എന്ന അതിരൂക്ഷമായ ചോദ്യം കോടതിയുടെ ഭാഗത്തുനിന്നുണ്ടായി.
അന്വേഷണത്തിലെ പ്രധാന നടപടികളും തെളിവ് ശേഖരണവും പൂർത്തിയായ സാഹചര്യത്തിൽ തന്റെ കസ്റ്റഡി ഇനി ആവശ്യമില്ലെന്നായിരുന്നു എൻ. വാസുവിന്റെ പ്രധാന വാദം. കൂടാതെ തന്റെ പ്രായവും മോശം ആരോഗ്യസ്ഥിതിയും പരിഗണിച്ച് ജാമ്യം അനുവദിക്കണമെന്നും അദ്ദേഹം അപേക്ഷിച്ചു. എന്നാൽ ഈ വാദങ്ങളൊന്നും കോടതി അംഗീകരിച്ചില്ല. താൻ കേവലം ഒരു കമ്മീഷണർ മാത്രമായിരുന്നുവെന്ന വാസുവിന്റെ വാദത്തോടും കോടതി അനുകൂലമായി പ്രതികരിച്ചില്ല.
കേസിൽ ഇപ്പോൾ ഇടപെടാൻ കഴിയില്ലെന്ന് വ്യക്തമാക്കിക്കൊണ്ടാണ് കോടതി ജാമ്യാപേക്ഷ തള്ളിയത്. നിലവിൽ 72 ദിവസമായി എൻ. വാസു ജയിലിൽ കഴിയുകയാണ്. ശബരിമലയിലെ സ്വർണ്ണാഭരണങ്ങളുമായി ബന്ധപ്പെട്ട ക്രമക്കേടുകൾ പുറത്തുവന്നതിനെത്തുടർന്നാണ് ദേവസ്വം ബോർഡ് മുൻ പ്രസിഡന്റായ ഇദ്ദേഹത്തിനെതിരെ കേസെടുത്തതും അറസ്റ്റ് രേഖപ്പെടുത്തിയതും. ഹൈക്കോടതി മേൽനോട്ടത്തിൽ നടക്കുന്ന അന്വേഷണം നിർണ്ണായക ഘട്ടത്തിലാണെന്ന് പ്രോസിക്യൂഷൻ കോടതിയെ അറിയിച്ചു.
The Supreme Court has dismissed the bail application of N. Vasu, the former president of the Travancore Devaswom Board, in the Sabarimala gold robbery case. While rejecting the plea, the bench headed by Justice Dipankar Datta asked, "Didn't you rob God?" Vasu's arguments regarding his health and the completion of the investigation were not accepted by the court, which stated it would not intervene in the case at this stage. N. Vasu has currently completed 72 days in judicial custody.