തിരുവനന്തപുരം : ആഗോള അയ്യപ്പ സംഗമത്തിന് സിപിഐ എം പൂർണ പിന്തുണ നൽകുമെന്ന് സിപിഐ എം സംസ്ഥാന സെക്രട്ടറി എം വി ഗോവിന്ദൻ മാസ്റ്റര്‍. വിശ്വാസികളുടെ അവകാശങ്ങൾ സംരക്ഷിക്കുന്നതിനു വേണ്ടിയുള്ള പോരാട്ടത്തിനൊപ്പമാണ് കമ്മ്യൂണിസ്റ്റുകളെന്ന് അദ്ദേഹം പറഞ്ഞു.
ശബരിമല വികസനം ചർച്ചചെയ്യാൻ തിരുവിതാംകൂർ ദേവസ്വം ബോർഡ്‌ സംഘടിപ്പിക്കുന്ന ആഗോള അയ്യപ്പസംഗമം നടത്തരുതെന്ന് ആര്‍ എസ് എസ് പറഞ്ഞു.
ആഗോള അയ്യപ്പസംഗമം ബഹിഷ്കരിക്കും എന്ന് കോണ്‍ഗ്രസും പറയുന്നു. എന്നാല്‍ ആഗോള അയ്യപ്പ സംഗമത്തിന് പിന്തുണ നൽകുമെന്നാണ് സിപിഐ എം നിലപാട്.വിശ്വാസികൾ വർഗീയവാദികൾ അല്ല, വർഗീയവാദികൾക്ക് വിശ്വാസമില്ലെന്ന് ഗോവിന്ദൻ മാസ്റ്റര്‍ കൂട്ടിച്ചേര്‍ത്തു.