മൂന്നാറിൽ കാഴ്ചകൾ ഇനി വേറെ ലെവൽ; ഡബിൾ ഡക്കർ ബസ് സർവിസ് ആരംഭിച്ചു

തൊടുപുഴ: മൂന്നാറിൽ വിനോദസഞ്ചാരികൾക്കായി കെ.എസ്.ആർ.ടി.സിയുടെ ഡബിൾ ഡെക്കർ ബസ് സർവിസ് ആരംഭിച്ചു. റോയൽ വ്യൂ ഡബിൾ ഡെക്കർ ബസ് സർവിസിന്‍റെ ഉദ്ഘാടനം മൂന്നാർ ഡിപ്പോയിൽ ഗതാഗത മന്ത്രി കെ.ബി. ഗണേഷ്‌കുമാർ നിർവഹിച്ചു.

തി​രു​വ​ന​ന്ത​പു​ര​ത്ത് ന​ഗ​ര​ക്കാ​ഴ്ച​ക​ൾ എ​ന്ന പേ​രി​ൽ തുടങ്ങിയ ഡ​ബ്​ൾ ​െഡ​ക്ക​ർ സ​ർ​വിസു​ക​ൾ ഏ​റെ ജ​ന​പ്രീ​തി നേ​ടി​യി​രു​ന്നു. ഇ​തേ മാ​തൃ​ക​യി​ലാ​ണ് മൂ​ന്നാ​റി​ലെ സ​ഞ്ചാ​രി​ക​ൾ​ക്കാ​യി സ​ർ​വി​സ് തുടങ്ങിയത്. രാവിലെ 8.30മുതൽ വൈകീട്ട് ആറുവരെയാണ് സർവിസ് നടത്തുന്നത്. യാ​ത്ര​ക്കാ​ർ​ക്ക് കാ​ഴ്ച​ക​ൾ ആ​സ്വ​ദി​ക്കാ​ൻ ക​ഴി​യു​ന്ന ത​ര​ത്തി​ൽ പൂ​ർ​ണ​മാ​യും സു​താ​ര്യ​മാ​യ രീ​തി​യി​ലാ​ണ് ബ​സ് ഒരുക്കിയിട്ടുള്ളത്.

ഡിപ്പോയിൽനിന്ന് തുടങ്ങുന്ന സർവിസ് കൊച്ചി-ധനുഷ്കോടി ദേശീയപാതയിലൂടെ ദേവികുളം, ഗ്യാപ്പ്റോഡ്, ആനയിറങ്ങൽ എന്നിവിടങ്ങൾ സന്ദർശിച്ച് തിരികെ ഡിപ്പോയിലെത്തും. ദിവസേന നാല് സർവിസുകളാണുണ്ടാവുക.