കൊച്ചി: മുനമ്പത്തെ ഭൂമി തർക്കം സുപ്രീം കോടതിയിലേക്ക് നീങ്ങുന്നു. 'മുനമ്പത്തെ ഭൂമി വഖഫ് സ്വത്തല്ല' എന്ന ഹൈക്കോടതി ഉത്തരവിനെതിരെയാണ് വഖഫ് സംരക്ഷണ വേദിയുടെ സുപ്രീം കോടതിയിലെ അപ്പീൽ. സംസ്ഥാന സർക്കാർ നൽകിയ അപ്പീലിലാണ് ഹൈക്കോടതി ഡിവിഷൻ ബെഞ്ച് ഈ നിർണായക വിധി പുറപ്പെടുവിച്ചത്.(Munambam land dispute to Supreme Court, Waqf Protection Forum appeals against High Court order)
1950-ലെ ആധാര പ്രകാരം ഈ ഭൂമി ഫറൂഖ് കോളേജിന് നൽകിയ ദാനമായിരുന്നു. ദാനം തിരിച്ചെടുക്കാൻ വ്യവസ്ഥയുള്ള ആധാരമായതിനാൽ ഇത് വഖഫ് സ്വത്തല്ലാതായി മാറുന്നുവെന്നാണ് ഡിവിഷൻ ബെഞ്ച് വ്യക്തമാക്കിയത്. ഹർജി പരിഗണിക്കുന്നതിനിടെ ഹൈക്കോടതി വഖഫ് ബോർഡിനെ രൂക്ഷമായി വിമർശിച്ചിരുന്നു.
"69 വർഷത്തിന് ശേഷം എന്തിനാണ് വഖഫ് ഇങ്ങനെയൊരു ആവശ്യം ഉന്നയിച്ചുകൊണ്ട് മുന്നോട്ട് വന്നത്? ഇത്രയും നാൾ വഖഫ് ഉറങ്ങുകയായിരുന്നോ?" ഡിവിഷൻ ബെഞ്ചിന്റെ ഈ വിധി ചോദ്യം ചെയ്തുകൊണ്ടാണ് വഖഫ് സംരക്ഷണ വേദി ഇപ്പോൾ സുപ്രീം കോടതിയെ സമീപിച്ചിരിക്കുന്നത്.