കണ്ണൂർ : പി പി ദിവ്യക്കെതിരെ രംഗത്തെത്തി കെ എസ് യു സംസ്ഥാന ഉപാധ്യക്ഷൻ മുഹമ്മദ് ഷമ്മാസ്. അവർക്കെതിരെ ബിനാമി സ്വത്ത് സംബന്ധിച്ച് തെളിവ് സഹിതം വിജിലൻസിനോട് പരാതിപ്പെട്ട് 6 മാസമായിട്ടും നടപടി ഇല്ലെന്നാണ് അദ്ദേഹം പറഞ്ഞത്. (Muhammad Shammas against PP Divya)
ഈ ബിനാമി ഇടപാടിൽ ദിവ്യയെന്ന ചെറിയ മീൻ മാത്രമല്ല, ഉന്നതരും ഉണ്ടെന്നും അതിനാലാണ് പരാതിക്കാരൻ്റെ മൊഴി പോലും ഇതുവരെയും എടുക്കാത്തതെന്നും അദ്ദേഹം കൂട്ടിച്ചേർത്തു. ഹൈക്കോടതിയിൽ ഹർജി നൽകിയിട്ടുണ്ട് എന്നാണ് മുഹമ്മദ് ഷമ്മാസ് വാർത്താസമ്മേളനത്തിൽ പറഞ്ഞത്.
എം വി ഗോവിന്ദൻ്റെ ഭാര്യ പി പി ദിവ്യയെ ജയിലിൽ സന്ദർശിച്ചിരുന്നുവെന്നും, അദ്ദേഹത്തിനെതിരെ രാവിലെ മുതൽ ഗുരുതര ആരോപണം വന്നുവെന്നും പറഞ്ഞ ഷമ്മാസ്, ഒരു സി പി എം നേതാവെങ്കിലും മറുപടി പറഞ്ഞോ എന്നും ചോദിച്ചു.