കൊല്ലം : മൊസാംബിക്കിലെ ബോട്ട് അപകടത്തിൽപ്പെട്ട് കാണാതായവരിൽ കൊല്ലം സ്വദേശിയും ഉണ്ടെന്ന് വിവരം. കാണാതായത് കൊല്ലം തേവലക്കര സ്വദേശിയായ ശ്രീരാഗ് രാധാകൃഷ്ണനെയാണ്. (Mozambique boat accident )
ഇയാൾ സ്കോർപിയോ മറൈൻ കമ്പനിയിലെ ജീവനക്കാരനാണ്. എംബസിയിൽ നിന്നും കമ്പനിയിൽ നിന്നും ഇയാളുടെ കുടുംബത്തെ വിവരം അറിയിച്ചിട്ടുണ്ട്. കാണാതായ 5 ഇന്ത്യക്കാർക്കായുള്ള തിരച്ചിൽ തുടരുകയാണ് എന്നാണ് വിദേശകാര്യ മന്ത്രാലയം അറിയിച്ചത്.
ഇക്കൂട്ടത്തിൽ എറണാകുളം സ്വദേശിയും ഉണ്ടെന്ന് നേരത്തെ വിവരം ലഭിച്ചിരുന്നു. പ്രാദേശിക ഭരണകൂടവുമായി ചേർന്നാണ് രക്ഷാപ്രവർത്തനം നടക്കുന്നത് എന്നാണ് വിവരം.