തിരുവനന്തപുരം: ലോകപ്രശസ്തമായ പത്മനാഭസ്വാമി ക്ഷേത്രത്തിൽ മോക് ഡ്രില്ലിനിടെ ഗുരുതരമായ സുരക്ഷാ വീഴ്ചയുണ്ടായതായി റിപ്പോർട്ട്. ക്ഷേത്രത്തിന്റെ തെക്കേ നടയിൽ മോക് ബോംബ് (പരിശീലനത്തിനായി വെച്ച ബോംബിന്റെ മാതൃക) വെച്ച് മടങ്ങിയിട്ടും സുരക്ഷാ ഉദ്യോഗസ്ഥർ ഇത് കണ്ടെത്താൻ പരാജയപ്പെട്ടു.(Mistake in detecting mock bomb during mock drill, Serious security lapse at Padmanabhaswamy Temple)
സുരക്ഷാ സംവിധാനങ്ങളുടെ കാര്യക്ഷമത പരിശോധിക്കുന്നതിനായി നടത്തിയ മോക് ഡ്രില്ലിന്റെ ഭാഗമായാണ് ക്ഷേത്രത്തിന്റെ തെക്കേ നടയിൽ മോക് ബോംബ് സ്ഥാപിച്ചത്.
ഈ മോക് ബോംബ് വെച്ച് അധികൃതർ മടങ്ങിപ്പോയ ശേഷവും സുരക്ഷാ ഉദ്യോഗസ്ഥർ ഇത് കണ്ടെത്താനോ പ്രതികരിക്കാനോ തയ്യാറായില്ല. രാജ്യത്തെ ഏറ്റവും പ്രധാനപ്പെട്ടതും സുരക്ഷാഭീഷണിയുള്ളതുമായ ക്ഷേത്രങ്ങളിലൊന്നിൽ സുരക്ഷാ ഉദ്യോഗസ്ഥരുടെ ഭാഗത്തുനിന്ന് വൻ വീഴ്ചയുണ്ടായതായി വിമർശനം ഉയർന്നിട്ടുണ്ട്.
സംഭവവുമായി ബന്ധപ്പെട്ട് സുരക്ഷാ വിഭാഗങ്ങളുടെ ഭാഗത്തുനിന്നും വിശദീകരണങ്ങളോ തുടർ നടപടികളോ ഉണ്ടാകുമെന്നാണ് പ്രതീക്ഷിക്കുന്നത്.