77-ആം റിപ്പബ്ലിക് ദിനത്തിൽ ശബ്‌ദത്തിലൂടെ ഇന്ത്യയെ അനുഭവിപ്പിക്കുന്ന മിർച്ചിയുടെ 'ഇടങ്ങൾ പലത്, ഇന്ത്യ ഒന്ന്'

കൊച്ചി: ഇന്ത്യയുടെ 77-ാം റിപ്പബ്ലിക് ദിനത്തോടനുബന്ധിച്ച്, മിർച്ചി ഇന്ന് “ഇടങ്ങൾ പലത്, ഇന്ത്യ ഒന്ന്” എന്ന പ്രത്യേക ഓഡിയോ ടാബ്ലോ പ്രോഗ്രാം പ്രക്ഷേപണം ചെയ്യുന്നു. ജനുവരി 26-ന് നടക്കുന്ന ഈ റിപ്പബ്ലിക് ദിന പരിപാടിയിൽ, ഇന്ത്യയിലെ ഐതിഹാസികവും സാംസ്കാരിക പ്രാധാന്യമുള്ളതുമായ 77 വിവിധ ഇടങ്ങളെ ആസ്പദമാക്കി തയ്യാറാക്കിയ 77 ഓഡിയോ ടാബ്ലോകൾ സംപ്രക്ഷേണം ചെയ്യുന്നു. ഇന്ത്യയുടെ വൈവിധ്യവും ആത്മാവും ഭംഗിയും ശബ്ദാവിഷ്ക്കരണത്തിലൂടെ ശ്രോതാക്കളിലേക്കെത്തിക്കാനാണ് ഈ പ്രോഗ്രാം ഉദ്ദേശിക്കുന്നത്.

കാഴ്ചകളെ ആശ്രയിക്കാതെ, ശബ്ദത്തിലൂടെ ഇന്ത്യയെ അനുഭവിപ്പിക്കുന്ന ഈ ഓഡിയോ ടാബ്ലോകൾ, പലരും നേരിട്ട് സന്ദർശിച്ചിട്ടില്ലാത്ത ഇടങ്ങളിലേക്കു പോലും ശ്രോതാക്കളെ എത്തിക്കുന്നു.

ഇന്ന് മിർച്ചിയിൽ സംപ്രേഷണം ചെയ്യപ്പെടുന്ന “ഇടങ്ങൾ പലത്, ഇന്ത്യ ഒന്ന്” ഇന്ത്യയുടെ ഐക്യത്തെയും വൈവിധ്യത്തെയും ഒരുപോലെ ആഘോഷിക്കുന്ന ഒരു വ്യത്യസ്ത റിപ്പബ്ലിക് ദിന അനുഭവമായിരിക്കും എന്ന് പ്രത്യാശിക്കുന്നു.