തിരുവനന്തപുരം : ഉമ്മൻ ചാണ്ടിയുടെ കാലത്താണ് ശബരിമലയിൽ ഏറ്റവും കൂടുതൽ കൊള്ള നടന്നതെന്ന് പറഞ്ഞ് മന്ത്രി സജി ചെറിയാൻ. ഇന്ന് യു ഡി എഫിന് ഈ വിഷയത്തിൽ നൊമ്പരവും കണ്ണീരുമാണ് എന്നും അദ്ദേഹം കൂട്ടിച്ചേർത്തു. (Minister Saji Cherian on Sabarimala gold case)
ശബരിമല പ്രതിഷേധങ്ങൾ എന്തിനെന്നു പോലും പ്രതിപക്ഷത്തിന് അറിയില്ല എന്ന് പറഞ്ഞ മന്ത്രി, ശബരിമലയിലേക്കുള്ള റോഡുകൾ നശിച്ചത് യു ഡി എഫ് കാലത്താണെന്നും വിമർശിച്ചു. റോഡിലൂടെ പോകുന്നവൻ തിരിച്ച് നട്ടെല്ലില്ലാതെ വരുന്ന കാലമായിരുന്നുവെന്നും അദ്ദേഹം പരിഹസിച്ചു.
മന്ത്രി സിപിഎം പുലിയൂർ ചെങ്ങന്നൂർ ടൗൺ വെസ്റ്റ് ലോക്കൽ കമ്മിറ്റി സംഘടിപ്പിച്ച ദേവസ്വം ബോർഡ് മെമ്പർ പിഡി സന്തോഷ് കുമാറിനുള്ള സ്വീകരണ യോഗത്തിൽ സംസാരിക്കുകയായിരുന്നു.