പാലക്കാട് : വീണ്ടും ജീവനെടുത്ത് കാട്ടാന. തമിഴ്‌നാട്ടിലെ ഗൂഡല്ലൂരിൽ കാട്ടാനയുടെ ആക്രമണത്തിൽ മലയാളിക്ക് ജീവൻ നഷ്ടമായി. ഓവേലി ന്യൂ ഹോപ് സ്വദേശിയായ മണി എന്ന 60കാരനാണ് മരിച്ചത്. (Malayali dies in Wild elephant attack in Gudalur)
ഇയാൾ ഇവിടുത്തെ സ്വകാര്യ എസ്റ്റേറ്റിൽ ജോലിക്ക് പോയ സമയത്താണ് ആക്രമണം ഉണ്ടായത്. ഒപ്പമുണ്ടായിരുന്നയാൾ ഓടി രക്ഷപ്പെട്ടു.
മണിയുടെ കുടുംബം പാലക്കാട് ഷൊർണൂർ നിന്നുള്ളവരാണ്. ഇവർ ഗൂഡല്ലൂരിലേക്ക് കുടിയേറി പാർക്കുകയായിരുന്നു. മൃതദേഹം സംസ്‌കരിക്കാൻ അനുവദിക്കാതെ നാട്ടുകാർ പ്രതിഷേധിക്കുകയാണ്.