തിരുവനന്തപുരം: തദ്ദേശ സ്വയംഭരണ തിരഞ്ഞെടുപ്പിനോട് അനുബന്ധിച്ച് സംസ്ഥാനത്ത് ഏർപ്പെടുത്തിയിരുന്ന മാതൃകാ പെരുമാറ്റച്ചട്ടം പിൻവലിച്ചു. ഇന്ന് (2025 ഡിസംബർ 15) മുതൽ പെരുമാറ്റച്ചട്ടം പിൻവലിച്ചതായി സംസ്ഥാന തിരഞ്ഞെടുപ്പ് കമ്മീഷണർ എ. ഷാജഹാൻ അറിയിച്ചു. നവംബർ 10 മുതലായിരുന്നു മാതൃകാ പെരുമാറ്റച്ചട്ടം സംസ്ഥാനത്തെ എല്ലാ തദ്ദേശ സ്ഥാപനങ്ങളിലും നിലവിൽ വന്നത്.
സ്ഥനാർഥികളുടെ നിര്യാണത്തെത്തുടർന്ന് മൂന്ന് വാർഡുകളിൽ പ്രത്യേക തിരഞ്ഞെടുപ്പ് നടക്കാനുള്ളതിനാൽ, താഴെ പറയുന്ന പ്രദേശങ്ങളിൽ തിരഞ്ഞെടുപ്പ് പൂർത്തിയാകുന്നത് വരെ മാതൃകാ പെരുമാറ്റച്ചട്ടം നിലനിൽക്കും:
മലപ്പുറം ജില്ല: മൂത്തേടം ഗ്രാമപഞ്ചായത്ത് (പൂർണ്ണമായി)
എറണാകുളം ജില്ല: പാമ്പാക്കുട ഗ്രാമപഞ്ചായത്ത് (പൂർണ്ണമായി)
തിരുവനന്തപുരം കോർപ്പറേഷൻ: വിഴിഞ്ഞം വാർഡ്