തിരുവനന്തപുരം: സംസ്ഥാനത്തെ തദ്ദേശ തെരഞ്ഞെടുപ്പിനായുള്ള അന്തിമ വോട്ടർപട്ടിക സംസ്ഥാന തെരഞ്ഞെടുപ്പ് കമ്മീഷൻ ശനിയാഴ്ച പ്രസിദ്ധീകരിച്ചു. കരട് പട്ടിക പ്രസിദ്ധീകരിച്ചതിന് ശേഷം 1,18,293 വോട്ടർമാരുടെ വർധനവാണ് രേഖപ്പെടുത്തിയത്.
പുതിയ വോട്ടർപട്ടിക പ്രകാരം സംസ്ഥാനത്ത് 2,84,30,761 വോട്ടർമാരാണുള്ളത്.
ആകെ വോട്ടർമാർ: 2,84,30,761
പുരുഷന്മാർ: 1,33,52,996
സ്ത്രീകൾ: 1,49,59,273
ട്രാൻസ്ജെൻഡർ: 271
പ്രവാസി വോട്ടർമാർ: 2,841
കരട് പട്ടികയിൽ (സെപ്റ്റംബർ 29 ന് പ്രസിദ്ധീകരിച്ചത്) 2,83,12,468 വോട്ടർമാരാണ് ഉണ്ടായിരുന്നത്. 2025 ജനുവരി ഒന്നിനോ അതിനു മുൻപോ 18 വയസ്സ് പൂർത്തിയാക്കിയവരെ ഉൾപ്പെടുത്തിയാണ് അന്തിമ പട്ടിക തയ്യാറാക്കിയത്.
ജില്ല തിരിച്ചുള്ള വോട്ടർമാരുടെ കണക്ക്
സംസ്ഥാനത്ത് ഏറ്റവും കൂടുതൽ വോട്ടർമാരുള്ളത് മലപ്പുറം ജില്ലയിലും ഏറ്റവും കുറവ് വയനാട് ജില്ലയിലുമാണ്.