തിരുവനന്തപുരം: മഹാരാഷ്ട്ര ഉപമുഖ്യമന്ത്രി അജിത് പവാറിന്റെ അപ്രതീക്ഷിത വിയോഗം അവിശ്വസനീയവും ഞെട്ടിക്കുന്നതുമാണെന്ന് മന്ത്രി എ.കെ. ശശീന്ദ്രൻ. രാഷ്ട്രീയത്തിന് അതീതമായി വ്യക്തിപരമായ വലിയ അടുപ്പം സൂക്ഷിച്ചിരുന്ന ഒരു സഹോദരനെയാണ് തനിക്ക് നഷ്ടമായതെന്ന് അദ്ദേഹം അനുസ്മരിച്ചു.(Like a brother, Minister AK Saseendran mourns the demise of Ajit Pawar)
സഹോദരതുല്യമായ സ്നേഹമായിരുന്നു നൽകിയിരുന്നത്. എന്നും പ്രോത്സാഹിപ്പിച്ചിരുന്ന നേതാവായിരുന്നു അദ്ദേഹം. മഹാരാഷ്ട്ര രാഷ്ട്രീയത്തിലെ കരുത്തനായ നേതാവാണെന്ന് സ്വയം തെളിയിച്ച വ്യക്തിത്വം. ഈ ദുരന്ത വാർത്ത ഉൾക്കൊള്ളാൻ കഴിയുന്നില്ല. പല അഭ്യൂഹങ്ങളും പ്രചരിക്കുന്നുണ്ടെങ്കിലും ഒരു വലിയ ദുരന്തമായിട്ടാണ് ഇതിനെ കാണുന്നത്. കേരള ഘടകം എൻ.സി.പിയുടെ അനുശോചനം രേഖപ്പെടുത്തുന്നു എന്നാണ് മന്ത്രി പറഞ്ഞത്.
ഇന്ന് രാവിലെ 8:50-ഓടെയാണ് ദുരന്തമുണ്ടായത്. വിമാനം ലാൻഡ് ചെയ്യുന്നതിന് 25 മിനിറ്റ് മുമ്പ് പൈലറ്റ് ക്രാഷ് ലാൻഡിംഗിന് ശ്രമിച്ചതായാണ് വിവരം. നിയന്ത്രണം വിട്ട വിമാനം റൺവേയ്ക്ക് പകരം അടുത്തുള്ള വയലിലേക്ക് ഇടിച്ചിറങ്ങുകയായിരുന്നു. ബാരാമതിയിൽ നടക്കാനിരുന്ന തിരഞ്ഞെടുപ്പ് റാലിയിൽ പങ്കെടുക്കാൻ എത്തുന്നതിനിടെയാണ് ഈ ദാരുണ സംഭവം നടന്നത്.