ചെറുപയർ ചേർത്ത് ഉണ്ടാക്കുന്ന പരിപ്പ് പ്രഥമൻ വളരെ രുചികരമാണ്. എങ്ങനെ തയ്യാറാക്കാമെന്ന് നോക്കാം.
ആവശ്യമായവ:
ചെറുപയർ പരിപ്പ് -- 250 ഗ്രാം.
ശർക്കര -- 500 ഗ്രാം
നെയ്യ് -- 100 ഗ്രാം
തേങ്ങ -- 2
ഉണങ്ങിയ തേങ്ങ - ഒരു മുറി
ഏലക്കാപ്പൊടി - 5 ഗ്രാം
ചുക്കുപൊടി - 5 ഗ്രാം
അണ്ടിപ്പരിപ്പ് - 50 ഗ്രാം
കിസ്മിസ് - 25 ഗ്രാം
തയ്യാറാക്കുന്ന വിധം
പരിപ്പ് കഴുകി വറുത്ത ശേഷം നന്നായി വേവിക്കുക. [കുക്കറിൽ വേവിക്കാവുന്നതാണ്]
ഇതിലേക്ക് ശർക്കര ഉരുക്കിയരിച്ചത് ചേർത്ത് വെള്ളം നന്നായി വറ്റുമ്പോൾ പകുതി നെയ്യൊഴിച്ച് വരട്ടുക. തേങ്ങാ ചിരകി ഒന്നാം പാൽ മാറ്റി വയ്ക്കുക.
രണ്ടാം പാൽ പിഴിഞ്ഞ് വരട്ടിയെടുത്ത പരിപ്പിലേക്ക് ചേർത്തു നന്നായിളക്കി യോജിപ്പിക്കുക.
വെള്ളം വറ്റി വരുമ്പോൾ ഒന്നാം പാൽ ചേർത്ത് ഏലക്കാപ്പൊടി ചുക്കുപൊടി എന്നിവയും ചേർത്ത് നന്നായി ചൂടാക്കി ഇറക്കുക. (തിളപ്പിക്കരുത്)
ചെറുതായരിഞ്ഞ ഉണങ്ങിയ തേങ്ങാ, അണ്ടിപ്പരിപ്പ്, സ്മിസ് ഇവ ബാക്കിയുള്ള നെയ്യിൽ വറുത്തു ചേർക്കുക.