ഇന്നത്തെ 10 പ്രധാന വാർത്താ തലക്കെട്ടുകൾ നോക്കാം (18-10-2025) | Today's 10 major news headlines
Sabarimala : ശബരിമല മേൽശാന്തിയായി ഏറന്നൂര്‍ മനയിൽ ഇ ഡി പ്രസാദ്: മാളികപ്പുറം മേൽശാന്തി മുട്ടത്തുമഠം എം ജി മനു
ശബരിമലയിലെ അടുത്ത വർഷത്തേക്കുള്ള മേൽശാന്തിയായി ഇഡി പ്രസാദ് നമ്പൂതിരിയെയും മാളികപ്പുറം മേൽശാന്തിയായി എംജി മനു നമ്പൂതിരിയെയും നറുക്കെടുപ്പിലൂടെ തിരഞ്ഞെടുത്തു. പ്രസാദ് നമ്പൂതിരി നിലവിൽ ആറേശ്വരം ക്ഷേത്രത്തിലെ മേൽശാന്തിയാണ്.
Murder : 'അപൂർവ്വങ്ങളിൽ അപൂർവ്വമായ കേസല്ല, മാനസാന്തരപ്പെടുമെന്ന് ഉറപ്പില്ല': പോത്തുണ്ടി സജിത കൊലക്കേസിൽ പ്രതി ചെന്താമരയ്ക്ക് ഇരട്ട ജീവപര്യന്തം, പിഴ
പോത്തുണ്ടി സജിത കൊലക്കേസിൽ പ്രതി ചെന്താമരയ്ക്ക് ഇരട്ട ജീവപര്യന്തം തടവ് വിധിച്ച് കോടതി. ഇയാൾ നടത്തിയ ഇരട്ടക്കൊലയെക്കുറിച്ചും കോടതി പരാമർശിച്ചു. സജിത വധക്കേസ് അപൂർവ്വങ്ങളിൽ അപൂർവ്വമായ കേസല്ല എന്നാണ് കോടതി പറഞ്ഞത്. പ്രതി കുറ്റക്കാരൻ ആണെന്ന് കഴിഞ്ഞ ദിവസം കോടതി കണ്ടെത്തിയിരുന്നു. തുടർന്ന് നടന്ന വാദത്തിന് ശേഷമാണ് കോടതി ഇന്ന് ശിക്ഷാവിധി പ്രഖ്യാപിച്ചത്. (Pothundy Sajitha murder case)
Mehul Choksi : 'മെഹുൽ ചോക്സിയെ ഇന്ത്യയ്ക്ക് കൈമാറണം' : ഉത്തരവിട്ട് ബെൽജിയൻ കോടതി
ഒളിവിൽ കഴിയുന്ന വജ്ര വ്യാപാരി മെഹുൽ ചോക്സിയെ ഇന്ത്യയ്ക്ക് കൈമാറാൻ ബെൽജിയൻ കോടതി അനുമതി നൽകി. ബെൽജിയൻ പോലീസ് ചോക്സിയെ അറസ്റ്റ് ചെയ്തത് സാധുവാണെന്ന് ആന്റ്‌വെർപ്പിലെ കോടതി വിധിച്ചു. വഞ്ചന, ഗൂഢാലോചന, അഴിമതി തുടങ്ങിയ കുറ്റങ്ങളാണ് ഇന്ത്യ ചോക്സിക്കെതിരെ ചുമത്തിയിട്ടുള്ളത്. ഈ ഉത്തരവിനെതിരെ ബെൽജിയൻ സുപ്രീം കോടതിയിൽ അപ്പീൽ നൽകാൻ ചോക്സിക്ക് അവകാശമുണ്ട്.
Hijab : 'കുട്ടിക്ക് താൽപര്യം ഉണ്ടെങ്കിൽ കേരളത്തിൽ ഏത് സ്കൂളിലും പ്രത്യേക ഉത്തരവ് വാങ്ങി അഡ്മിഷൻ നൽകും': ഹിജാബ് വിവാദത്തിൽ മന്ത്രി വി ശിവൻകുട്ടി
പള്ളുരുത്തി ഹിജാബ് വിവാദത്തിൽ മന്ത്രി വി ശിവൻകുട്ടി പ്രതികരിച്ചു. കുട്ടിയുടെ പിതാവ് ടി സി വാങ്ങാൻ തീരുമാനിച്ചതായി അദ്ദേഹം പറഞ്ഞു. താല്പര്യമെങ്കിൽ കേരളത്തിലെ ഏത് സ്കൂളിലും പ്രവേശനം നൽകാമെന്ന് മന്ത്രി ഉറപ്പുനൽകി. വിദ്യാർത്ഥികളുടെ അവകാശങ്ങൾ ഹനിക്കാൻ ഒരു സ്കൂളിനെയും അനുവദിക്കില്ലെന്നും സംഭവം കേരളത്തിന്റെ വിദ്യാഭ്യാസ പാരമ്പര്യത്തിന് ചേർന്നതല്ലെന്നും അദ്ദേഹം വ്യക്തമാക്കി.
Fire : ഡൽഹിയിൽ MPമാർക്ക് അനുവദിച്ച ഫ്ലാറ്റുകളിൽ വൻ തീപിടിത്തം: കെട്ടിടത്തിൽ താമസിക്കുന്നവരിൽ കേരളത്തിൽ നിന്നുള്ള 3 MPമാരും, ആളപായമില്ല, തീ അണയ്ക്കാൻ ഊർജ്ജിത ശ്രമം
ഡൽഹിയിലെ എംപിമാരുടെ ബ്രഹ്മപുത്ര അപ്പാർട്ട്മെൻ്റിൽ വൻ തീപിടുത്തം. ബേസ്മെൻ്റിൽ 12.30ഓടെ ആരംഭിച്ച തീ രണ്ട് ഫ്ലോറുകൾ കത്തിനശിപ്പിച്ചു. ആളപായമില്ല. കേരളത്തിലെ എംപിമാരായ ജെബിമേത്തർ, ജോസ് കെ മാണി, ഹാരിസ് ബീരാൻ എന്നിവർ താമസിക്കുന്ന ഫ്ലാറ്റാണിത്. ഇവരെ സുരക്ഷിതമായി മാറ്റി. വലിയ നാശനഷ്ടങ്ങളുണ്ടായി.
CPM : കൂത്തുപറമ്പിൽ വയോധികയുടെ മാല പൊട്ടിച്ചോടിയ സംഭവം : CPM കൗൺസിലർ PP രാജേഷ് അറസ്റ്റിൽ
കണ്ണൂർ കൂത്തുപറമ്പിൽ 77 വയസ്സുകാരിയുടെ മാല പൊട്ടിച്ച കേസിൽ സി.പി.എം കൗൺസിലർ പി.പി. രാജേഷ് അറസ്റ്റിൽ. വ്യാഴാഴ്ച്ച നടന്ന സംഭവത്തിൽ, സി.സി.ടി.വി ദൃശ്യങ്ങൾ വഴിയാണ് രാജേഷിനെ കണ്ടെത്തിയത്. ഇയാൾ കുറ്റം സമ്മതിച്ചതായി പോലീസ് അറിയിച്ചു.
Operation Sindoor : 'പാകിസ്ഥാൻ്റെ ഓരോ ഇഞ്ചും ബ്രഹ്മോസിൻ്റെ ആക്രമണ പരിധിയിൽ, ഓപ്പറേഷൻ സിന്ദൂർ വെറുമൊരു ട്രെയിലർ മാത്രം': രാജ്‌നാഥ് സിംഗ്
ലഖ്‌നൗ: പ്രതിരോധ മന്ത്രി രാജ്‌നാഥ് സിംഗ് പാകിസ്ഥാന് ശക്തമായ മുന്നറിയിപ്പ് നൽകി. പാകിസ്ഥാന്റെ ഓരോ ഇഞ്ചും ബ്രഹ്മോസിന്റെ പരിധിയിലാണെന്നും, 'ഓപ്പറേഷൻ സിന്ദൂർ' വെറുമൊരു ട്രെയിലർ മാത്രമായിരുന്നുവെന്നും അദ്ദേഹം പറഞ്ഞു. ബ്രഹ്മോസ് മിസൈലുകളുടെ ആദ്യ ബാച്ച് ഫ്‌ളാഗ് ഓഫ് ചെയ്യവേ, ഈ മിസൈൽ ഇന്ത്യയുടെ തന്ത്രപരമായ ആത്മവിശ്വാസത്തിന്റെയും പ്രതിരോധ ശേഷിയുടെയും പ്രതീകമാണെന്നും അദ്ദേഹം വ്യക്തമാക്കി.
സംസ്ഥാനത്ത് അതിശക്തമായ മഴ; മലയോര മേഖലയിൽ കനത്ത നാശനഷ്ടം; വടക്കൻ ജില്ലകളിൽ ഓറഞ്ച് അലർട്ട്; ജാഗ്രത പാലിക്കാൻ നിര്‍ദേശം | Heavy rains
ഇടുക്കി ഹൈറേഞ്ചിൽ കനത്ത മഴയെത്തുടർന്ന് മലവെള്ളപ്പാച്ചിലും വ്യാപക നാശനഷ്ടങ്ങളുമുണ്ടായി. ജലനിരപ്പ് ഉയർന്നതോടെ മുല്ലപ്പെരിയാർ അണക്കെട്ടിന്റെ 13 ഷട്ടറുകൾ തുറന്നു. ഇന്ന് പത്തനംതിട്ട, കോട്ടയം, ഇടുക്കി ജില്ലകളിൽ ഓറഞ്ച് അലർട്ടാണ്. നാളെ വടക്കൻ ജില്ലകളിൽ അതിശക്തമായ മഴയ്ക്ക് സാധ്യതയുണ്ട്. മലയോര മേഖലകളിൽ അതീവ ജാഗ്രതാ നിർദ്ദേശം നൽകി.
കേരളം ഭരിക്കുന്നത് കൊള്ളക്കാർ; യുഡിഎഫ് അധികാരത്തിലെത്തിയാൽ ശബരിമല കേസുകൾ എല്ലാം പിൻവലിക്കുമെന്ന് വി.ഡി. സതീശൻ |v d satheesan
കേരളം ഭരിക്കുന്നത് കൊള്ളക്കാരുടെ സർക്കാരാണെന്ന് പ്രതിപക്ഷ നേതാവ് വി.ഡി. സതീശൻ. ശബരിമലയിൽ സ്വർണക്കൊള്ള നടന്നത് സർക്കാരിന്റെയും ദേവസ്വം ബോർഡിന്റെയും അറിവോടെയാണ്. പന്തളത്ത് യുഡിഎഫ് സംഘടിപ്പിച്ച വിശ്വാസ സംരക്ഷണ സംഗമത്തിന്റെ സമാപന സമ്മേളനത്തിലാണ് അദ്ദേഹത്തിന്റെ പ്രതികരണം.
മുഖ്യമന്ത്രിയുടെ വിദേശ യാത്രകള്‍ തെരഞ്ഞെടുപ്പ് മാത്രം ലക്ഷ്യം വെച്ചുള്ളത് ; രമേശ് ചെന്നിത്തല |Ramesh chennithala
മുഖ്യമന്ത്രി പിണറായി വിജയന്റെ വിദേശയാത്രകളെ രമേശ് ചെന്നിത്തല വിമർശിച്ചു. വിഭവസമാഹരണമോ വികസനമോ അല്ല യാത്രകളുടെ ലക്ഷ്യം. 2016 മുതൽ 25 ഓളം യാത്രകൾ നടത്തിയെങ്കിലും സംസ്ഥാനത്തിന് ഒരു പ്രയോജനവുമുണ്ടായില്ല. നിക്ഷേപങ്ങളൊന്നും വന്നിട്ടില്ലെന്ന് കെ.ഐ.ഡി.സി.യുടെ വിവരാവകാശ രേഖകൾ വ്യക്തമാക്കുന്നുവെന്നും അദ്ദേഹം പറഞ്ഞു. ഇത് തിരഞ്ഞെടുപ്പ് മുന്നിൽക്കണ്ടുള്ളതാണെന്നും ചെന്നിത്തല പരിഹസിച്ചു.