മലപ്പുറം : മലപ്പുറം പെരിന്തൽമണ്ണ മണ്ണാർമലയിലെ നിവാസികൾ വന്യജീവി ശല്യം കാരണം ആകെ ഭീതിയിലാണ്. ഇവിടെ ഇന്നും പുലിയിറങ്ങി. പുലർച്ചെ മൂന്ന് മണിയോടെയാണ് സംഭവം. (Leopard presence in Malappuram)
നാട്ടുകാർ സ്ഥാപിച്ച സി സി ടി വി ക്യാമറയിലാണ് ദൃശ്യങ്ങൾ പതിഞ്ഞത്. വനംവകുപ്പ് സ്ഥാപിച്ചിരിക്കുന്ന കൂട്ടിലേക്ക് പുലി തിരിഞ്ഞ് നോക്കിയിട്ടില്ല. ഒരു സ്ഥലത്ത് അൽപ്പ നേരം നിന്നതിന് ശേഷം പുലി നടന്നു പോകുന്നത് ദൃശ്യങ്ങളിൽ കാണാൻ കഴിയും.
ഇതിനെ മയക്കുവെടി വച്ച് പിടികൂടിയില്ലെങ്കിൽ ശക്‌തമായ പ്രതിഷേധം ഉണ്ടാകുമെന്ന് നാട്ടുകാർ മുന്നറിയിപ്പ് നൽകിയിട്ടുണ്ട്.