കണ്ണൂർ: ആരോഗ്യ മന്ത്രി വീണാ ജോർജിനെ പരിഹസിച്ച് വേറിട്ട പ്രതിഷേധവുമായി കെ.എസ്.യു. ‘വായുവിൽ പരിക്കേറ്റ മികച്ച അഭിനയ മന്ത്രിക്കുള്ള അവാർഡ്’ എന്ന പേരിൽ ട്രോഫിയും നെക്ക് കോളറുമാണ് ഇവർ മന്ത്രിക്കു തപാൽ വഴി അയച്ചു നൽകിയത്.(KSU sends trophy and neck collar to Veena George)
കെ.എസ്.യു സംസ്ഥാന ജനറൽ സെക്രട്ടറിയുടെ നേതൃത്വത്തിലാണ് കണ്ണൂരിൽ നിന്ന് മന്ത്രിക്ക് ട്രോഫി അയച്ചത്. വായുവിലൂടെ പരിക്ക് പറ്റിയെന്ന് പറഞ്ഞാണ് മന്ത്രി ആശുപത്രിയിൽ അഡ്മിറ്റ് ആയതെന്നും കെ.എസ്.യു ആരോപിച്ചു. സംസ്ഥാനത്തെ ആരോഗ്യരംഗം ഐ.സി.യുവിൽ ആയതുകൊണ്ടാണ് തങ്ങൾ കരിങ്കൊടിയുമായി തെരുവിലിറങ്ങുന്നതെന്ന് ഇവർ പറഞ്ഞു.
മന്ത്രിക്ക് നൽകിയ ചികിത്സ സംബന്ധിച്ച പൂർണ്ണമായ വിവരങ്ങൾ പുറത്തുവിടാൻ സർക്കാർ തയ്യാറാകണമെന്ന് കെ.എസ്.യു സംസ്ഥാന പ്രസിഡന്റ് അലോഷ്യസ് സേവ്യർ ആവശ്യപ്പെട്ടു.
