തിരുവനന്തപുരം: വൈദ്യുതാഘാതമേറ്റ്‌ മരിച്ച തേവലക്കര ബോയ്സ് ഹൈസ്‌കൂളിലെ വിദ്യാർഥിയായ മിഥുന്റെ കുടുംബത്തിന് കെഎസ്ടിഎ ധനസഹായം നൽകും.10 ലക്ഷം രൂപയാണ് കേരള സ്കൂൾ ടീച്ചേഴ്‌സ്‌ അസോസിയേഷൻ (കെഎസ്ടിഎ) നൽകുക.
10 ലക്ഷം രൂപയാണ് കെഎസ്ടിഎ നൽകുക. മരണം അങ്ങേയറ്റം ദൗർഭാഗ്യകരമാണ്. സംഭവത്തിൽ സർക്കാർ വിശദമായ അന്വേഷണം നടത്തണമെന്ന് കെഎസ്ടിഎ സംസ്ഥാന പ്രസിഡന്റ് ഡി സുധീഷ്, ജനറൽ സെക്രട്ടറി ടി കെ എ ഷാഫി എന്നിവർ പ്രസ്താവനയിൽ ആവശ്യപ്പെട്ടു.
ഇന്ന് രാവിലെയാണ് നാടിനെ നടുക്കിയ സംഭവമുണ്ടായത്. സ്കൂൾ കെട്ടിടത്തിനോട് ചേർന്ന് സൈക്കിൾ വെക്കാനായി ഇരുമ്പ് ഷീറ്റ് പാകിയ ഷെഡ് നി‍ര്‍മ്മിച്ചിരുന്നു. ഈ ഷെഡിന്റെ മുകളിലേക്ക് ചെരുപ്പ് വീണു.
ഇത് എടുക്കാനായി കയറിയതായിരുന്നു മിഥുൻ. കാൽ തെന്നിപ്പോയപ്പോൾ മുകളിലൂടെ പോകുന്ന ത്രീ ഫേസ് വൈദ്യുതി കമ്പിയിൽ സ്പർശിക്കുകയും ഷോക്കേൽക്കുകയുമായിരുന്നു. ഉടൻ തന്നെ സ്കൂൾ അധികൃതരും സഹപാഠികളും ചേർന്ന് മിഥുനെ സമീപത്തെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.