തിരുവനന്തപുരം: ഒന്പതാം ക്ലാസ് വിദ്യാര്ത്ഥിനിയോട് മോശമായി പെരുമാറിയ സംഭവത്തില് കെഎസ്ആർടിസി കണ്ടക്ടർക്ക് അഞ്ച് വര്ഷം കഠിന തടവ്.വെമ്പായം സ്വദേശി സത്യരാജിനാണ് അഞ്ച് വര്ഷം കഠിന തടവും 25,000 രൂപ പിഴയും ചുമത്തിയത്.പിഴ തുക കെട്ടിവെച്ചില്ലെങ്കില് പ്രതി ആറ് മാസം കൂടി അധിക ശിക്ഷ അനുഭവിക്കേണ്ടി വരുമെന്നും വിധിയില് പ്രത്യേകം വ്യക്തമാക്കുന്നു.
2023 ഓഗസ്റ്റ് മാസം നാലാം തീയതി ആയിരുന്നു കേസിന് ആസ്പദമായ സംഭവം. സ്കൂളില് പോകാന് ബസില് കയറിയ ഒന്പതാം ക്ലാസ് വിദ്യാര്ത്ഥിനിയെ കണ്ടക്ടര് കടന്ന് പിടിക്കുകയായിരുന്നു. തിരക്കിനിടെ അബദ്ധത്തില് സംഭവിച്ചതാവാം എന്ന് കരുതി പെണ്കുട്ടി ആദ്യം മാറി നിന്നു. എന്നാല് പിന്നാലെ എത്തിയ ഇയാള് വീണ്ടും പെണ്കുട്ടിയുടെ ശരീരത്തില് സ്പര്ശിച്ചു.
സ്കൂൾ അധികൃതർ ആര്യനാട് പൊലീസിൽ വിവരം അറിയിച്ചു. സബ് ഇൻസ്പെക്ടർ ആയിരുന്ന ഷീന.എൽ അന്വേഷണം നടത്തി കുറ്റപത്രം സമർപ്പിച്ച കേസിൽ പ്രോസിക്യൂഷൻ ഭാഗത്തു നിന്നും 13 സാക്ഷികളെ വിസ്തരിക്കുകയും 18 രേഖകൾ ഹാജരാക്കുകയും ചെയ്തു.