തിരുവനന്തപുരം : മണ്ണന്തല -മരുതൂരിൽ കെ എസ് ആർ ടി സി ബസും ലോറിയും കൂട്ടിയിടിച്ച് അപകടമുണ്ടായി. സംഭവത്തിൽ 20ഓളം പേർക്ക് പരിക്കേറ്റു. ഇക്കൂട്ടത്തിൽ ചിലരുടെ പരിക്ക് ഗുരുതരമാണ്. (KSRTC Bus accident in Trivandrum)
തിരുവനന്തപുരത്ത് നിന്ന് വന്ന ബസ് ലോറിയിൽ ഇടിച്ചു. പരിക്കേറ്റവരെ മെഡിക്കൽ കോളജിലേക്ക് മാറ്റി. ഇരുവാഹനങ്ങളുടെയും ഡ്രൈവർമാർക്ക് ഗുരുതര പരിക്കുണ്ട്. അര മണിക്കൂർ എടുത്ത് വാഹനങ്ങൾ വെട്ടിപ്പൊളിച്ചാണ് ഡ്രൈവർമാരെ പുറത്തെടുത്തത്.
ബസിൽ 26 യാത്രക്കാർ ഉണ്ടായിരുന്നു. അപകടത്തിന് കാരണമായത് റോഡ് നിർമ്മാണത്തിലെ തകരാർ ആണെന്ന് നാട്ടുകാർ ആരോപിക്കുന്നുണ്ട്.