പത്തനംതിട്ട : കോന്നി പയ്യനാമണിൽ ചെങ്കുളം പാറമടയിൽ പാറ ഇടിഞ്ഞു വീണുണ്ടായ അപകടത്തിൽ, പാറക്കടിയിൽ കുടുങ്ങിയ രണ്ടാമത്തെയാളുടെ മൃതദേഹവും കണ്ടെത്തി (Konni quarry accident). തരസംസ്ഥാന തൊഴിലാളി അജയ് റായിയുടെ മൃതദേഹമാണ് കണ്ടെത്തിയത്. അപകടത്തിൽ മരിച്ച മഹാദേവ് പ്രധാന്‍റെ മൃതദേഹം അപകടം നടന്ന തിങ്കളാഴ്ചതന്നെ കണ്ടെത്തിയിരുന്നു. ജാര്‍ഖണ്ഡ്, ഒറീസ സ്വദേശികളാണ് അപകടത്തിൽപ്പെട്ടത്.ലോങ് ബൂം എക്‌സ്‌വേറ്റര്‍ എത്തിച്ചുള്ള ദൗത്യത്തിനിടെയാണ് അജയ് റായിയുടെ മൃതദേഹം രാത്രിയോടെ കണ്ടെത്തിയത്. മണ്ണുമാന്തിയന്ത്രമുപയോഗിച്ച് പാറ നീക്കുന്നതിനിടെയായിരുന്നു അപകടം. രണ്ടു തൊഴിലാളികളും പാറകൾക്കടിയിൽ കുടുങ്ങുകയായിരുന്നു.പയ്യനാമൺ ചെങ്കുളം വീട്ടിൽ മത്തായിക്കുഞ്ഞ്, മകൻ ടോം എന്നിവരുടെ ഉടമസ്ഥതയിലുള്ളതാണ് പാറമട.