കോഴിക്കോട്: തലശേരി കലാപം സിപിഎം ആസൂത്രിതമായി ഉണ്ടാക്കിയതാണെന്നും അതിന്റെ പിന്നിൽ പ്രവർത്തിച്ച പ്രധാനികളിൽ ഒരാൾ പിണറായി വിജയനാണെന്നും ആരോപിച്ച് കെ.എം. ഷാജി. ഇതേക്കുറിച്ച് പറയാൻ മുഖ്യമന്ത്രിക്ക് എന്ത് അർഹതയാണുള്ളതെന്നും അദ്ദേഹം ചോദിച്ചു.(KM Shaji makes controversial remarks against CM Pinarayi Vijayan)
തലശേരി കലാപത്തിന് പിന്നിൽ സിപിഎം ആണെന്നത് താൻ പലതവണ പറഞ്ഞിട്ടുള്ള കാര്യമാണ്. തന്റെ പേരിൽ കേസ് കൊടുക്കുമെന്ന് എം.വി. ഗോവിന്ദൻ പറഞ്ഞിരുന്നുവെങ്കിലും താൻ പിന്മാറാൻ തയ്യാറല്ലെന്ന് ഷാജി വ്യക്തമാക്കി. പ്രായം ചെന്ന് ബുദ്ധി കുറഞ്ഞ കമ്മ്യൂണിസ്റ്റാണ് എ.കെ. ബാലനെന്നും ഷാജി പരിഹസിച്ചു.
സംസ്ഥാനത്തെ ജയിലുകളിൽ തടവുകാരുടെ ദിവസ വേതനം 10 മടങ്ങോളം വർധിപ്പിച്ച സർക്കാർ നടപടിയെയും ഷാജി പരിഹസിച്ചു. പിണറായി വിജയനും അദ്ദേഹത്തിന്റെ സുഹൃത്തുക്കൾക്കും ബന്ധുക്കൾക്കും നാളെ ജയിലിൽ പോകുമ്പോൾ കിട്ടേണ്ട തുക കൂടി കണക്കിലെടുത്താണ് ഈ വർധനയെന്ന് ഷാജി പറഞ്ഞു.
നാട്ടിൽ അധ്വാനിക്കുന്ന സാധാരണക്കാരനേക്കാൾ കൂടുതൽ വരുമാനവും സൗകര്യങ്ങളും ഇപ്പോൾ ജയിലിലാണെന്നും, ആളുകൾ ജയിലിൽ പോകാൻ കുറ്റകൃത്യങ്ങൾ ചെയ്യാതിരുന്നാൽ മതിയെന്നും അദ്ദേഹം കൂട്ടിച്ചേർത്തു.