മലപ്പുറം: തദ്ദേശ തിരഞ്ഞെടുപ്പിൽ പ്രതീക്ഷിച്ച മുന്നേറ്റം നടത്താൻ കഴിഞ്ഞില്ലെങ്കിലും വരാനിരിക്കുന്ന നിയമസഭാ തിരഞ്ഞെടുപ്പിൽ എൽ.ഡി.എഫ്. ഉജ്ജ്വല വിജയം നേടുമെന്ന ശുഭാപ്തിവിശ്വാസം പങ്കുവെച്ച് കെ.ടി. ജലീൽ. ഫേസ്ബുക്കിൽ പങ്കുവെച്ച കുറിപ്പിലാണ് അദ്ദേഹം തൻ്റെ പ്രതീക്ഷകൾ രേഖപ്പെടുത്തിയത്.(Kerala will turn red again in the 2026 assembly elections, says KT Jaleel)
നിലവിലെ രാഷ്ട്രീയ സാഹചര്യത്തെ 2010-ലെ തദ്ദേശ തിരഞ്ഞെടുപ്പ് ഫലവുമായി താരതമ്യം ചെയ്താണ് കെ.ടി. ജലീൽ തൻ്റെ വിലയിരുത്തൽ പങ്കുവെച്ചത്. 2010-ലെ തദ്ദേശ തിരഞ്ഞെടുപ്പിൽ എൽ.ഡി.എഫിൻ്റെ സ്ഥിതി സമാനമായിരുന്നു.
എന്നാൽ, തൊട്ടടുത്ത വർഷം നടന്ന 2011-ലെ നിയമസഭാ തിരഞ്ഞെടുപ്പിൽ ഇടതുപക്ഷം ശക്തമായ തിരിച്ചുവരവ് നടത്തി.അതുപോലെ, അടുത്ത വർഷം നടക്കാനിരിക്കുന്ന നിയമസഭാ തിരഞ്ഞെടുപ്പിൽ എൽ.ഡി.എഫ്. വിജയം വരിക്കുമെന്നും അദ്ദേഹം പോസ്റ്റിൽ അഭിപ്രായപ്പെട്ടു. 2026ലെ നിയമസഭാ തെരഞ്ഞെടുപ്പിൽ കേരളം വീണ്ടും ചുവക്കും എന്നാണ് അദ്ദേഹം പറഞ്ഞത്.