തിരുവനന്തപുരം: സംസ്ഥാനത്ത് അടുത്ത മണിക്കൂറുകളിൽ വിവിധ ജില്ലകളിൽ മഴ പെയ്യാൻ സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പിന്റെ (IMD) മുന്നറിയിപ്പ് (Kerala weather update today). ഒൻപത് തെക്കൻ-മധ്യ കേരള ജില്ലകളിൽ അടുത്ത 3 മണിക്കൂറിൽ ഒറ്റപ്പെട്ടയിടങ്ങളിൽ നേരിയതോ അല്ലെങ്കിൽ ഇടത്തരം (Light to Moderate Rain) തോതിലുള്ളതോ ആയ മഴയ്ക്കാണ് സാധ്യത പ്രവചിച്ചിരിക്കുന്നത്.
കേന്ദ്ര കാലാവസ്ഥ വകുപ്പിന്റെ പുതുക്കിയ അറിയിപ്പ് പ്രകാരം താഴെ പറയുന്ന ജില്ലകളിലാണ് മഴ മുന്നറിയിപ്പുള്ളത്:
തിരുവനന്തപുരം
കൊല്ലം
പത്തനംതിട്ട
ആലപ്പുഴ
കോട്ടയം
ഇടുക്കി
എറണാകുളം
തൃശ്ശൂർ
പാലക്കാട്
സംസ്ഥാനത്ത് സ്കൂൾ പ്രവേശനോത്സവം നടക്കുന്ന ഇന്ന് (ജൂൺ 1) രാവിലെ പെയ്തേക്കാവുന്ന മഴ വിദ്യാർഥികളെയും രക്ഷിതാക്കളെയും നേരിയ തോതിൽ ബാധിച്ചേക്കാം. മഴ സാധ്യതയുള്ളതിനാൽ മലയോര മേഖലകളിലും നഗരപ്രദേശങ്ങളിലും യാത്ര ചെയ്യുന്നവർ ആവശ്യമായ മുൻകരുതലുകൾ സ്വീകരിക്കണമെന്ന് ദുരന്തനിവാരണ അതോറിറ്റി നിർദ്ദേശിച്ചു. ഉച്ചയ്ക്ക് ശേഷം അന്തരീക്ഷം കൂടുതൽ മേഘാവൃതമാകാനും ചിലയിടങ്ങളിൽ കാറ്റോട് കൂടിയ ചെറിയ തോതിലുള്ള ഇടിമിന്നലിനും സാധ്യതയുണ്ട്.
Story Summary: The India Meteorological Department (IMD) has issued a weather warning predicting light to moderate rainfall in isolated places across nine districts of Kerala, including Thiruvananthapuram, Kollam, Pathanamthitta, Alappuzha, Kottayam, Idukki, Ernakulam, Thrissur, and Palakkad, over the next three hours.
