കൊച്ചി : മനുഷ്യക്കടത്തും മതപരിവർത്തനവും ആരോപിച്ച് ഛത്തീസ്ഗഡിൽ കന്യാസ്ത്രീകളെ അറസ്റ്റ് ചെയ്ത സംഭവത്തിൽ പ്രതിഷേധം കടുക്കുന്നു. ഇന്ന് അങ്കമാലി അതിരൂപതയുടെ നേതൃത്വത്തിൽ പ്രതിഷേധ സംഗമം നടക്കും. (Kerala Nuns arrested in Chhattisgarh)
പരിപാടി ഉദ്ഘാടനം ചെയ്യുന്നത് ആർച്ച് ബിഷപ്പ് മാർ ജോസഫ് പാംപ്ലാനി ആണ്. വൈകുന്നേരം 5 മണിക്കാണ് ഇത് ആരംഭിക്കുന്നത്. അങ്കമാലി കിഴക്കേ പള്ളിയിൽ നിന്ന് തുടങ്ങുന്ന പരിപാടിയിൽ പതിനായിരത്തോളം പേർ പങ്കെടുക്കുമെന്നാണ് വിവരം.
ഇടുക്കി രൂപതയുടെ നേതൃത്വത്തിൽ ചെറുതോണിയിൽ ബഹുജന പ്രതിഷേധ റാലിയും പൊതുസമ്മേളനവും നടക്കും. വൈകുന്നേരം അഞ്ചരയ്ക്ക് വഞ്ചിക്കവലയിൽ നിന്നും റാലി ആരംഭിക്കും. ഇത് ഉദ്ഘാടനം ചെയ്യുന്നത് രൂപത വികാരി ജനറാൾ മോൺസിഞ്ഞോർ അബ്രഹം പുറയാറ്റ് ആണ്. പ്രതിഷേധ സമ്മേളനം ഉദ്ഘാടനം ചെയ്യുന്നത് രൂപതാ മുഖ്യ വികാരി ജനറാൾ മോൺസിഞ്ഞോർ ജോസ് കരിവേലിക്കൽ ആണ്.