കൊച്ചി : മലയാളി കന്യാസ്ത്രീകളെ ഛത്തീസ്ഗഡിൽ മതപരിവർത്തനവും മനുഷ്യക്കടത്തും ആരോപിച്ച് അറസ്റ്റ് ചെയ്ത് റിമാൻഡ് ചെയ്ത സംഭവത്തിൽ പ്രതികരിച്ച് സിറോ മലബാർ സഭ. വിചാരണ ചെയ്യപ്പെടുന്നത് ഭാരതത്തിൻ്റെ മതേതര ഭരണഘടനയാണ് എന്നാണ് ഫാ. ടോം ഓലിക്കരോട്ട് പറഞ്ഞത്.(Kerala Nuns arrested in Chhattisgarh)
മതംമാറ്റം എന്നത് ദുരാരോപണമാണ് എന്നും, ക്രൈസ്തവ മിഷണറിമാരുടെ ത്യാഗപൂർണ്ണമായ സേവനത്തെ തടയാനുള്ള ശ്രമമാണെന്നും അദ്ദേഹം കൂട്ടിച്ചേർത്തു. കേരളത്തിൽ കേക്ക് മുറിക്കുന്നുവെന്നും, ഉത്തരേന്ത്യയിൽ കൈവിലങ്ങ് കാണിക്കുന്നുവെന്നും പറഞ്ഞ അദ്ദേഹം, ഇത് വിരോധാഭാസമാണെന്നും പ്രതികരിച്ചു.