തിരുവനന്തപുരം : കേരളത്തിൽ വർധിച്ച് വരുന്ന അതിക്രമങ്ങളെയും ലഹരി ഉപയോഗത്തെയും കുറിച്ച് നിയമസഭ നിർത്തിവച്ച് ചർച്ച ചെയ്യും. പ്രതിപക്ഷം നൽകിയ അടിയന്തര പ്രമേയത്തിനാണ് അവതരണ അനുമതി ലഭിച്ചത്.( Kerala legislative assembly)
താമരശേരി ഷഹബാസിൻ്റെ മരണവും സഭയിൽ ചർച്ച ചെയ്യും. ചർച്ച ഉച്ചയ്ക്ക് 12 മുതൽ രണ്ടു മണിക്കൂറാണ്. മുഖ്യമന്ത്രി പിണറായി വിജയൻ പറഞ്ഞത് ഇത് അതീവ ഗൗരവമുള്ള വിഷയമാണെന്നും, സഭ മാത്രമല്ല പൊതു സമൂഹവും ചർച്ച ചെയ്യണമെന്നുമാണ്.
ലഹരി, മദ്യം, സിനിമ എന്നിങ്ങനെയുള്ള വിഷയങ്ങൾ ചർച്ച ചെയ്ത് പൊതു സമൂഹത്തിൽ ചർച്ചയ്ക്ക് കൈമാറണമെന്ന് അദ്ദേഹം കൂട്ടിച്ചേർത്തു. ചർച്ചയ്ക്ക് തയ്യാറായ സർക്കാരിനെ സ്പീക്കർ അഭിനന്ദിച്ചു.