കൊച്ചി: സംസ്ഥാനത്ത് സ്വർണവിലയിൽ വീണ്ടും വലിയ കുറവ്. ഇന്ന് ഒറ്റയടിക്ക് 520 രൂപ കുറഞ്ഞതോടെ ഒരു പവൻ സ്വർണത്തിന് വില 91,760 രൂപയായി താഴ്ന്നു. ഇതോടെ സ്വർണവില വീണ്ടും 92,000 രൂപയിൽ താഴെയായി.(Kerala Gold price lowered, know about today's rate)
ഗ്രാമിന് ആനുപാതികമായി 65 രൂപയാണ് കുറഞ്ഞത്. നിലവിൽ ഒരു ഗ്രാം സ്വർണത്തിന് 11,470 രൂപയാണ് വില. ഈ മാസത്തിൻ്റെ തുടക്കത്തിൽ 90,200 രൂപയായിരുന്നു ഒരു പവൻ സ്വർണത്തിൻ്റെ വില. ഈ മാസം അഞ്ചിന് 89,080 രൂപയായി താഴ്ന്നതാണ് ഈ മാസത്തെ ഏറ്റവും കുറഞ്ഞ നിലവാരം.
പിന്നീട് വില ഉയർന്ന് നവംബർ 13-ന് 94,320 രൂപ രേഖപ്പെടുത്തിയതാണ് ഈ മാസത്തെ ഏറ്റവും ഉയർന്ന നിലവാരം. ഉയർന്ന നിലയിൽ എത്തിയ ശേഷം കഴിഞ്ഞ ദിവസങ്ങളിലായി വില കുറയുന്ന പ്രവണതയാണ് സ്വർണവിപണിയിൽ ദൃശ്യമാകുന്നത്.