കൊച്ചി: സംസ്ഥാനത്ത് സ്വർണ്ണവിലയിൽ റെക്കോർഡ് വർദ്ധനവ്. ഒരു പവൻ സ്വർണ്ണത്തിന് ഇന്ന് 1640 രൂപയാണ് വർദ്ധിച്ചത്. ഇതോടെ ഒരു പവൻ സ്വർണ്ണത്തിന്റെ ഇന്നത്തെ വിപണി വില 1,16,480 രൂപയായി ഉയർന്നു.(Kerala Gold price hiked, know about today’s rate)
ഗ്രാമിന് 205 രൂപയാണ് വർദ്ധിച്ചത്. ഒരു ഗ്രാം സ്വർണ്ണത്തിന് 14,560 രൂപയാണ് ഇന്നത്തെ നിരക്ക്. ആഗോള വിപണിയിലുണ്ടായ അപ്രതീക്ഷിത മാറ്റങ്ങളാണ് പ്രാദേശിക വിപണിയിലും പ്രതിഫലിച്ചത്. കഴിഞ്ഞ വർഷം ഡിസംബർ 23-നാണ് പവൻ വില ആദ്യമായി ഒരു ലക്ഷം രൂപ കടന്നത്.
തുടർന്ന് ജനുവരി 29-ന് 1,31,160 രൂപ എന്ന ചരിത്രത്തിലെ ഏറ്റവും ഉയർന്ന നിരക്കിലെത്തുകയും ചെയ്തു. കഴിഞ്ഞ കുറച്ചു ദിവസങ്ങളായി വിലയിൽ ചെറിയ കുറവുണ്ടായെങ്കിലും ഇന്ന് വീണ്ടും വലിയ രീതിയിലുള്ള വർദ്ധനവാണ് രേഖപ്പെടുത്തിയിരിക്കുന്നത്. വരും ദിവസങ്ങളിലും അന്താരാഷ്ട്ര വിപണിയിലെ ചലനങ്ങൾക്കും രൂപയുടെ മൂല്യത്തിനുമനുസരിച്ച് വിലയിൽ മാറ്റങ്ങൾ ഉണ്ടായേക്കാം.
