കൊച്ചി: സംസ്ഥാനത്ത് സ്വർണവില വീണ്ടും ഉയരങ്ങളിലേക്ക്. ഏതാനും ദിവസങ്ങളിലെ ചാഞ്ചാട്ടത്തിന് ശേഷം ഇന്ന് പവന് 2,120 രൂപയുടെ വർധനവാണ് രേഖപ്പെടുത്തിയത്. ഇതോടെ ഒരു പവൻ സ്വർണത്തിന്റെ വിപണി വില 1,14,840 രൂപയായി ഉയർന്നു.(Kerala Gold price hiked, know about today’s rate)
ഗ്രാം വിലയിലും വലിയ വർധനവാണ് ഉണ്ടായിരിക്കുന്നത്. ഗ്രാമിന് 265 രൂപ വർധിച്ച് 14,355 രൂപയിലാണ് വ്യാപാരം നടക്കുന്നത്. കഴിഞ്ഞ കുറച്ചു ദിവസങ്ങളായി സ്വർണവിലയിൽ കടുത്ത അസ്ഥിരതയാണ് പ്രകടമാകുന്നത്. ഇന്നലെ രാവിലെ വിലയിൽ നേരിയ കുറവുണ്ടായെങ്കിലും ഉച്ചയോടെ വിപണി തിരിച്ചുപിടിക്കുന്ന കാഴ്ചയാണ് ദൃശ്യമായത്. ആഗോള വിപണിയിലെ മാറ്റങ്ങളും സാമ്പത്തിക ചലനങ്ങളുമാണ് ആഭ്യന്തര വിപണിയിലും പ്രതിഫലിക്കുന്നത്.
2026 ജനുവരി 29-ന് രേഖപ്പെടുത്തിയ 1,31,160 രൂപയാണ് സംസ്ഥാനത്തെ ഏറ്റവും ഉയർന്ന സ്വർണവില. കഴിഞ്ഞ ഡിസംബർ 23-നാണ് സ്വർണവില ചരിത്രത്തിലാദ്യമായി ഒരു പവന് ഒരു ലക്ഷം രൂപ എന്ന പരിധി പിന്നിട്ടത്.
