കൊച്ചി : കേരളത്തിലെ സ്വർണ്ണവിലയിൽ ഇന്ന് കുതിപ്പാണ് രേഖപ്പെടുത്തിയിരിക്കുന്നത്. പവന് 600 രൂപ കൂടി 98,800 രൂപ എന്ന നിലയിലും, ഗ്രാമിന് 75 രൂപ കൂടി 12,350 രൂപ എന്ന നിലയിലുമാണ് ഇന്ന് വിപണിയിൽ വ്യാപാരം പുരോഗമിക്കുന്നത്.(Kerala Gold price hiked, know about today's rate)
ആഭ്യന്തര വിപണിയിൽ സ്വർണവില വീണ്ടും കുതിച്ചുയരുന്നത് ഇന്ത്യയിലെ സാധാരണക്കാർക്ക് കനത്ത തിരിച്ചടിയായി. രാജ്യത്തെ വിവിധ പ്രധാന നഗരങ്ങളിലെല്ലാം ഇന്ന് സ്വർണ വിലയിൽ വർദ്ധന രേഖപ്പെടുത്തി. വിവാഹ സീസൺ സജീവമായിരിക്കുകയാണ് ഇപ്പോൾ. ഈ സമയത്ത് കല്യാണാഭരണങ്ങൾക്കുള്ള ഡിമാൻഡ് ഉയർന്നതിനാൽ, ഓരോ വിലക്കയറ്റവും സ്വർണം വാങ്ങാൻ ആഗ്രഹിക്കുന്ന സാധാരണക്കാർക്ക് വലിയ നിരാശയാണ് നൽകുന്നത്.
രാജ്യാന്തര സംഭവവികാസങ്ങൾ സ്വർണവിലയെ സ്വാധീനിക്കുന്നുണ്ട്. ഡൊണാൾഡ് ട്രംപിന്റെ താരിഫ് പ്രശ്നങ്ങൾക്ക് ശേഷവും ഇന്ത്യ-പാകിസ്താൻ സംഘർഷങ്ങൾ നടന്നപ്പോഴും സ്വർണവിലയിൽ നേരിയ ഇടിവുണ്ടായിരുന്നു. എന്നാൽ, ഈ പ്രശ്നങ്ങൾക്ക് ശമനമായതോടെ വിപണി വീണ്ടും പഴയ നിലയിലേക്ക് മടങ്ങുകയും ഇന്ന് വില വീണ്ടും ഉയരുകയും ചെയ്തു. അസ്ഥിരമായ രാജ്യാന്തര സാഹചര്യങ്ങളിൽ നിക്ഷേപകർ സ്വർണത്തിൽ അഭയം തേടുന്നതാണ് നിലവിലെ വിലവർദ്ധനവിന് പ്രധാന കാരണം.