GOLD PRICE : ഉയരത്തിൽ തന്നെ തുടർന്ന് സ്വർണ്ണം : വരും ദിവസങ്ങളിൽ വിപണി കുലുങ്ങുമോ ?

കൊച്ചി : കേരളത്തിലെ സ്വർണ്ണവിലയിൽ ഇന്ന് ഏറ്റക്കുറച്ചിലുകൾ രേഖപ്പെടുത്തിയിട്ടില്ല. റെക്കോർഡ് ഉയരത്തിൽ നിന്നിറങ്ങാതെ തുടരുകയാണ് സ്വർണ്ണം. പവന് 91,720 രൂപ എന്ന നിലയിലും, ഗ്രാമിന് 11,465 രൂപ എന്ന നിലയിലാണ് ഇന്നും വിപണിയിൽ വ്യാപാരം നടക്കുന്നത്. (KERALA GOLD PRICE HIKE )

രാജ്യാന്തര വിപണിയിലെ ചലനങ്ങൾക്ക് അനുസരിച്ചാണ് രാജ്യത്ത് സ്വർണവില നിശ്ചയിക്കപ്പെടുന്നത്. ഡോളർ - രൂപ വിനിമയ നിരക്ക്, ഇറക്കുമതി തീരുവ എന്നിവയും സ്വർണവിലയെ സ്വാധീനിക്കുന്ന ഘടകങ്ങളാണ്.

നിലവിൽ ലോകത്തെ ഏറ്റവും വലിയ സ്വർണ ഉപഭോക്താക്കളാണ് ഇന്ത്യ. ഓരോ വർഷവും ടൺ കണക്കിന് സ്വർണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയിൽ സംഭവിക്കുന്ന ചെറിയ ചലനങ്ങൾ പോലും അടിസ്ഥാനപരമായി ഇന്ത്യയിലെ സ്വർണവിലയിൽ പ്രതിഫലിക്കും.