കൊച്ചി : സംസ്ഥാനത്തെ സ്വർണ്ണവില ഉയർച്ചയിൽ തന്നെ തുടരുകയാണ്. പവന് 1,03,560 രൂപ എന്ന നിലയിലും, ഗ്രാമിന് 12,945 രൂപ എന്ന നിലയിലും തന്നെയാണ് ഇന്നും വിപണിയിൽ വ്യാപാരം നടക്കുന്നത്.(Kerala Gold price continues to rise, Jewelry lovers gets worried)
ആഗോള വിപണിയിലെ ഏറ്റക്കുറച്ചിലുകൾക്ക് അനുസരിച്ചാണ് ഇന്ത്യയിൽ സ്വർണവില നിശ്ചയിക്കപ്പെടുന്നത്. ലോകത്തെ ഏറ്റവും വലിയ സ്വർണ ഉപഭോക്താക്കളിൽ ഒന്നായതുകൊണ്ട് തന്നെ, അന്താരാഷ്ട്ര തലത്തിലുണ്ടാകുന്ന ഓരോ ചലനവും നമ്മുടെ ആഭരണ വിപണിയെ നേരിട്ട് ബാധിക്കാറുണ്ട്.
രാജ്യാന്തര വിപണിയിൽ സ്വർണത്തിന്റെ ഡിമാൻഡും ലഭ്യതയും മാറുന്നത് ഇന്ത്യയിലെ വിലയെ നേരിട്ട് ബാധിക്കുന്നു. രാജ്യാന്തര തലത്തിൽ സ്വർണ വ്യാപാരം ഡോളറിലാണ് നടക്കുന്നത്. അതിനാൽ രൂപയുടെ മൂല്യം ഡോളറുമായി താരതമ്യം ചെയ്യുമ്പോൾ കുറയുന്നത് സ്വർണവില ഉയരാൻ കാരണമാകുന്നു.
ഇന്ത്യ വൻതോതിൽ സ്വർണം ഇറക്കുമതി ചെയ്യുന്ന രാജ്യമാണ്. സർക്കാർ ഏർപ്പെടുത്തുന്ന ഇറക്കുമതി നികുതിയിലെ മാറ്റങ്ങൾ വില വർദ്ധനവിനോ കുറവിനോ കാരണമാകും. ഓഹരി വിപണിയിലെ അസ്ഥിരത കൂടുമ്പോൾ നിക്ഷേപകർ സുരക്ഷിത നിക്ഷേപം എന്ന നിലയിൽ സ്വർണത്തിലേക്ക് തിരിയുന്നതും വില ഉയരാൻ ഇടയാക്കും. ചുരുക്കത്തിൽ, ടൺ കണക്കിന് സ്വർണം ഓരോ വർഷവും ഇറക്കുമതി ചെയ്യുന്ന ഇന്ത്യയെ സംബന്ധിച്ചിടത്തോളം ആഗോള സമ്പദ്വ്യവസ്ഥയിലെ ചെറിയ മാറ്റങ്ങൾ പോലും ആഭരണ വിപണിയിൽ പ്രതിഫലിക്കും.