തിരുവനന്തപുരം: കേരള സംസ്ഥാന പോലീസ് മേധാവി റവാഡ ചന്ദ്രശേഖറിന്റെ സർവീസ് കാലാവധി ഒരു വർഷത്തേക്ക് കൂടി നീട്ടി നൽകാൻ മന്ത്രിസഭായോഗം തീരുമാനിച്ചു (Kerala State Police Chief Extension). സുപ്രീം കോടതിയുടെ പ്രകാശ് സിങ് കേസിലെ വിധി നടപ്പിലാക്കുന്നതിന്റെ ഭാഗമായാണ് ഈ നടപടി.
2026 ജൂൺ 30-ന് വിരമിക്കേണ്ടിയിരുന്ന റവാഡ ചന്ദ്രശേഖർ, പുതിയ ഉത്തരവ് പ്രകാരം 2027 ജൂൺ 30 വരെ ഡിജിപി സ്ഥാനത്ത് തുടരും.ഡിജിപി സ്ഥാനത്ത് എത്തുന്ന ഉദ്യോഗസ്ഥന് കുറഞ്ഞത് രണ്ടു വർഷത്തെ കാലാവധി ഉറപ്പാക്കണമെന്ന സുപ്രീം കോടതി നിർദ്ദേശം പരിഗണിച്ചാണ് സർക്കാർ ഈ തീരുമാനമെടുത്തത്.
ആന്ധ്രപ്രദേശിലെ വെസ്റ്റ് ഗോദാവരി സ്വദേശിയായ അദ്ദേഹം 1991 ബാച്ച് കേരള കേഡർ ഐപിഎസ് (IPS) ഉദ്യോഗസ്ഥനാണ്.സർക്കാരിന്റെ ഈ തീരുമാനം സംസ്ഥാനത്തെ ക്രമസമാധാന പാലനത്തിൽ തുടർച്ച ഉറപ്പാക്കുമെന്ന് വിലയിരുത്തപ്പെടുന്നു. നിലവിലെ ഡിജിപിയുടെ പ്രവർത്തനങ്ങളിലുള്ള വിശ്വാസ്യതയാണ് കാലാവധി നീട്ടാൻ കാരണമായതെന്നാണ് സൂചന.
Story Summary: The Kerala Cabinet has extended the tenure of State Police Chief (DGP) Rawada Chandrasekhar by one year. Following the Supreme Court’s verdict in the Prakash Singh case, which mandates a minimum two-year term for DGPs, his retirement date has been pushed from June 30, 2026, to June 30, 2027. Chandrasekhar is a 1991-batch Kerala cadre IPS officer originally from Andhra Pradesh.
