കണ്ണൂർ : സംസ്ഥാന പോലീസ് മേധാവി നിയമനത്തിൽ വിമർശനവുമായി എ ഐ സി സി ജനറൽ സെക്രട്ടറി കെ സി വേണുഗോപാൽ. റവാഡ ചന്ദ്രശേഖറിൻറേത് കേന്ദ്രവുമായുള്ള ഒത്തുതീർപ്പ് നിയമനം ആണെന്നാണ് അദ്ദേഹം പറഞ്ഞത്. (KC Venugopal against CPM)
എന്ത് കൊണ്ടാണ് യോഗേഷ് ഗുപ്തയെയും നിതിൻ അഗർവാളിനെയും തഴഞ്ഞതെന്നാണ് അദ്ദേഹം ചോദിക്കുന്നത്. സി പി എം രക്തസാക്ഷികളെ മറന്നുവെന്നും കെ സി വേണുഗോപാൽ വിമർശിച്ചു.
ഇത് കേന്ദ്രവുമായുള്ള രണ്ടാം ഡീൽ ആണെന്നും, അദ്ദേഹം ആരോപിച്ചു. റവാഡ മോശക്കാരൻ ആണെന്ന് പറയുന്നില്ല എന്നും, മുൻനിലപാട് തെറ്റായിപ്പോയെന്ന് പറയാൻ സി പി എം ആർജ്ജവം കിട്ടണമെന്നും കെ സി വേണുഗോപാൽ ആവശ്യപ്പെട്ടു.