തിരുവനന്തപുരം: കേരള അഡ്മിനിസ്‌ട്രേറ്റീവ് സർവീസിലെ (കെ.എ.എസ്.) ജൂനിയർ ടൈം സ്കെയിൽ ഓഫീസർ (സ്ട്രീം 1, 2, 3) തസ്തികയിലേക്കുള്ള മുഖ്യപരീക്ഷ ഒക്ടോബർ 17, 18 തീയതികളിൽ നടക്കും. ജൂൺ 14-ന് നടന്ന പ്രാഥമിക പരീക്ഷയിൽ വിജയിച്ചവർക്കാണ് ഈ അവസരം.
അഡ്മിഷൻ ടിക്കറ്റ്: ഉദ്യോഗാർഥികൾക്ക് പ്രൊഫൈലിൽ നിന്ന് അഡ്മിഷൻ ടിക്കറ്റ് ഡൗൺലോഡ് ചെയ്യാവുന്നതാണ്.
ഉത്തരം എഴുതേണ്ട ഭാഷ: പ്രാഥമിക, മുഖ്യപരീക്ഷകളിൽ ഇംഗ്ലീഷിലോ മലയാളത്തിലോ ഉത്തരം എഴുതാം. ഭാഷാ ന്യൂനപക്ഷങ്ങൾക്ക് ഇംഗ്ലീഷ്, തമിഴ്, കന്നഡ എന്നീ ഭാഷകളിലും ഉത്തരം എഴുതാൻ സാധിക്കും.
റാങ്ക് പട്ടിക: മുഖ്യപരീക്ഷയുടെയും അഭിമുഖത്തിന്റെയും മാർക്കുകൾ കണക്കാക്കിയാണ് അന്തിമ റാങ്ക് പട്ടിക തയ്യാറാക്കുക. 2026 ഫെബ്രുവരി 16-ന് റാങ്ക് പട്ടിക പ്രസിദ്ധീകരിക്കും.
കൂടുതൽ വിവരങ്ങൾക്കായി ഉദ്യോഗാർഥികൾക്ക് https://www.keralapsc.gov.in എന്ന വെബ്സൈറ്റ് സന്ദർശിക്കാവുന്നതാണ്.