കൊച്ചി: കലൂർ രാജ്യാന്തര സ്റ്റേഡിയത്തിന് മുന്നിൽ കൂറ്റൻ ഗേറ്റ് തകർന്നുവീണ സംഭവത്തിൽ ജി സി ഡി എ അന്വേഷണത്തിന് നിർദ്ദേശം നൽകി. ജി.സി.ഡി.എയിലെ എൻജിനീയറിങ് വിഭാഗമാണ് സംഭവത്തെക്കുറിച്ച് അന്വേഷിക്കുക.(Kaloor Stadium gate collapse incident: GCDA orders investigation)
അപകടത്തിന്റെ കാരണങ്ങൾ സംബന്ധിച്ച് എത്രയും വേഗം റിപ്പോർട്ട് സമർപ്പിക്കാൻ ജി.സി.ഡി.എ ചെയർമാൻ നിർദ്ദേശം നൽകി. റിപ്പോർട്ട് ലഭിച്ചാലുടൻ കുറ്റക്കാർക്കെതിരെ കർശന നടപടിയുണ്ടാകുമെന്ന് അദ്ദേഹം അറിയിച്ചു.
സ്റ്റേഡിയം നവീകരണത്തിന്റെ ഭാഗമായി സ്ഥാപിച്ച കവാടത്തിലെ ഗേറ്റാണ് ഇന്നലെ തകർന്നുവീണത്. ആ സമയം ആ വഴി വന്ന ഓട്ടോറിക്ഷയ്ക്ക് മുകളിലേക്കാണ് ഗേറ്റ് പതിച്ചത്. ഡ്രൈവർ അത്ഭുതകരമായാണ് പരിക്കേൽക്കാതെ രക്ഷപ്പെട്ടത്.
