കൈനകരി കൊലക്കേസ്: ഗർഭിണിയെ കൊന്നു കായലിൽ തള്ളിയ കേസിൽ രണ്ടാം പ്രതി രജനിക്കും വധശിക്ഷ വിധിച്ച് കോടതി | Kainakary murder

ആലപ്പുഴ ജില്ലാ സെഷൻസ് കോടതി മൂന്നാണ് ശിക്ഷ വിധിച്ചത്
കൈനകരി കൊലക്കേസ്: ഗർഭിണിയെ കൊന്നു കായലിൽ തള്ളിയ കേസിൽ രണ്ടാം പ്രതി രജനിക്കും വധശിക്ഷ വിധിച്ച് കോടതി | Kainakary murder

ആലപ്പുഴ: കൈനകരിയിൽ ഗർഭിണിയായ യുവതിയെ കൊലപ്പെടുത്തി കായലിൽ തള്ളിയ കേസിൽ രണ്ടാം പ്രതിക്കും വധശിക്ഷ. ആലപ്പുഴ ജില്ലാ സെഷൻസ് കോടതി മൂന്നാണ് കേസിലെ രണ്ടാം പ്രതിയായ രജനിക്കും വധശിക്ഷ വിധിച്ചത്. കേസിലെ ഒന്നാം പ്രതിയായ മലപ്പുറം നിലമ്പൂർ സ്വദേശി പ്രബീഷിന് കഴിഞ്ഞ ദിവസം കോടതി വധശിക്ഷ വിധിച്ചിരുന്നു.(Kainakary murder case, Court sentences the second accused to death)

മയക്കുമരുന്ന് കേസിൽ നിലവിൽ ഒഡീഷ ജയിലിലായിരുന്ന രജനിയെ ഇന്ന് ആലപ്പുഴ ജില്ലാ സെഷൻസ് കോടതിയിൽ ഹാജരാക്കിയ ശേഷമാണ് വിധി പ്രസ്താവിച്ചത്. ഒന്നാം പ്രതിക്ക് പുറമെ രണ്ടാം പ്രതിയായ രജനിക്കും വധശിക്ഷ നൽകണമെന്നായിരുന്നു പ്രോസിക്യൂഷന്റെ വാദം.

ഒന്നാം പ്രതിക്ക് ചുമത്തിയ എല്ലാ വകുപ്പുകളും രണ്ടാം പ്രതിക്കും ചുമത്തിയിരുന്നു. ശിക്ഷ വിധിക്കുന്നതിന് മുമ്പ് കോടതി എന്തെങ്കിലും പറയാനുണ്ടോയെന്ന് ചോദിച്ചപ്പോൾ 'ഒന്നുമില്ലെ'ന്നായിരുന്നു രജനിയുടെ മറുപടി. ഇന്ന് (നവംബർ 29) ഉച്ചയ്ക്ക് മൂന്നേകാലോടെ കോടതി ശിക്ഷ വിധിക്കുകയായിരുന്നു. ഒന്നാം പ്രതി പ്രബീഷിന് തിങ്കളാഴ്ചയാണ് കോടതി വധശിക്ഷ വിധിച്ചത്. രജനി കുറ്റക്കാരിയാണെന്ന് കണ്ടെത്തിയിരുന്നെങ്കിലും ഒഡീഷ ജയിലിലായിരുന്നതിനാൽ ശിക്ഷാവിധി നീണ്ടുപോയിരുന്നു.

ആലപ്പുഴ പുന്നപ്ര സ്വദേശിനിയായ അനിതയാണ് 2021 ജൂലൈ 9-ന് കൊല്ലപ്പെട്ടത്. തൊട്ടടുത്ത ദിവസം അനിതയുടെ മൃതദേഹം പൂക്കൈത ആറ്റിൽ നിന്നു കണ്ടെത്തുകയായിരുന്നു. അനിതയുമായി അടുപ്പമുണ്ടായിരുന്ന പ്രബീഷും ഇയാളുടെ സുഹൃത്തും കൈനകരിക്കാരിയുമായ രജനിയുമാണ് കേസിൽ അറസ്റ്റിലായത്. വിവാഹിതനായ പ്രബീഷ് ഒരേ സമയം വിവാഹിതരായ അനിതയുമായും രജനിയുമായും അടുപ്പത്തിലായിരുന്നു. അനിത ഗർഭിണിയായതിനെ തുടർന്ന് ഒഴിവാക്കാൻ ശ്രമിച്ചെങ്കിലും പരാജയപ്പെട്ടു. തുടർന്നായിരുന്നു രജനിയെ കൂട്ടുപിടിച്ചുള്ള കൊലപാതകം.

രജനിയുടെ വീട്ടിൽവെച്ച് അനിതയെ പ്രബീഷ് കഴുത്തിൽ കത്തി വെച്ച് ഭീഷണിപ്പെടുത്തി. നിലവിളി പുറത്ത് കേൾക്കാതിരിക്കാൻ രജനി വായും മൂക്കും അമർത്തിപ്പിടിച്ചു. ബോധരഹിതയായ അനിത കൊല്ലപ്പെട്ടു എന്ന് കരുതി ഇരുവരും ചേർന്ന് മൃതദേഹം പൂക്കൈത ആറ്റിൽ ഉപേക്ഷിച്ചു എന്നായിരുന്നു പോലീസിന്റെ കണ്ടെത്തൽ.

Related Stories

No stories found.
Times Kerala
timeskerala.com