തിരുവനന്തപുരം: ഭൂരിപക്ഷ സമുദായങ്ങൾ ഒന്നിച്ച് നിൽക്കുന്നത് കാണുമ്പോൾ മുന്നണികൾ ഭയപ്പെടുകയാണെന്ന് കെ. സുരേന്ദ്രൻ പറഞ്ഞു. ഹിന്ദു വോട്ട് ബാങ്കിൽ വിള്ളലുണ്ടാക്കി നേട്ടം കൊയ്യാമെന്ന മന്ത്രി സജി ചെറിയാന്റെ മോഹം നടക്കില്ലെന്നും അദ്ദേഹം പരിഹസിച്ചു.(K Surendran criticizes minister Saji Cherian on his controversial remark)
രണ്ട് ഹിന്ദു വോട്ടുകൾ ലക്ഷ്യമിട്ടാണ് സജി ചെറിയാൻ ഇപ്പോൾ സംസാരിക്കുന്നത്. എന്നാൽ "അത് നടപ്പില്ല മോനേ സജി ചെറിയാനേ" എന്ന് സുരേന്ദ്രൻ പരിഹസിച്ചു. ചെങ്ങന്നൂരിൽ സജി ചെറിയാൻ വിജയിക്കുന്നത് പോപ്പുലർ ഫ്രണ്ടിന്റെ വോട്ട് വാങ്ങിയാണെന്ന് സുരേന്ദ്രൻ ആരോപിച്ചു. വോട്ട് ലക്ഷ്യം വെച്ച് സമുദായങ്ങളെ പ്രീണിപ്പിക്കാനാണ് മന്ത്രി ശ്രമിക്കുന്നതെന്നും അദ്ദേഹം കൂട്ടിച്ചേർത്തു.
സമുദായങ്ങളുടെ പേരിൽ വോട്ട് കച്ചവടം നടത്തുന്ന രീതി അവസാനിക്കുമെന്നും പ്രബുദ്ധരായ കേരളീയർ രാഷ്ട്രീയ നാടകങ്ങൾ തിരിച്ചറിയുമെന്നും സുരേന്ദ്രൻ പറഞ്ഞു.