കോട്ടയം: വരാനിരിക്കുന്ന നിയമസഭാ തിരഞ്ഞെടുപ്പിൽ പാലാ മണ്ഡലത്തിൽ ജോസ് കെ. മാണി തന്നെ മത്സരിക്കുമെന്ന് മന്ത്രി റോഷി അഗസ്റ്റിൻ വീണ്ടും വ്യക്തമാക്കി. അടിമാലിയിൽ വെച്ച് ജോസ് കെ. മാണിയുടെ കയ്യിൽ നിന്നും മൈക്ക് വാങ്ങി നടത്തിയ പ്രഖ്യാപനം വെറും ‘ചോരത്തിളപ്പിൽ’ പറഞ്ഞതല്ലെന്നും അദ്ദേഹം കൂട്ടിച്ചേർത്തു.(Jose K Mani will contest in Pala, Roshy Augustine reiterates the statement)
കഴിഞ്ഞ കാൽ നൂറ്റാണ്ടായി താൻ ഇടുക്കിയിലെ ജനങ്ങൾക്കൊപ്പമുണ്ട്. അതിനാൽ ഇടുക്കിയിൽ നിന്ന് മാറേണ്ട സാഹചര്യം തനിക്കില്ല. മത്സരിച്ചാലും ഇല്ലെങ്കിലും ഇടുക്കിക്കാർക്കൊപ്പം തുടരുമെന്നും റോഷി വ്യക്തമാക്കി. കേരള കോൺഗ്രസ് നാഥനില്ലാ കളരി അല്ലെന്നും, പാർട്ടിക്ക് വേണ്ടത് ലീഡർഷിപ്പ് ആണെന്നും അദ്ദേഹം വ്യക്തമാക്കി.
റോഷി അഗസ്റ്റിന്റെ ഏകപക്ഷീയമായ പ്രഖ്യാപനത്തിൽ കേരള കോൺഗ്രസ് (എം) അണികൾക്കിടയിൽ വലിയ പ്രതിഷേധമുണ്ട്. താൻ മത്സരിക്കുന്ന കാര്യത്തിൽ പോലും ഇതുവരെ ഉറപ്പായിട്ടില്ലെന്നാണ് ജോസ് കെ മാണി കൊച്ചിയിൽ പ്രതികരിച്ചത്.
