കൊച്ചി : എറണാകുളം പള്ളുരുത്തിയിൽ അതിഥിതൊഴിലാളി ഷോക്കേറ്റ് മരിച്ചു. ഉത്തർപ്രദേശ് സ്വദേശി വികാസ് (34) ആണ് മരണപ്പെട്ടത്. കോർപ്പറേഷൻ കെട്ടിടത്തിൽ പെയിന്റിങ് ജോലിക്കിടയിൽ അപകടം ഉണ്ടായത്. സംഭവത്തിൽ കൂടെയുണ്ടായിരുന്ന രണ്ടുപേർക്ക് പരിക്കേറ്റു.
വെള്ളിയാഴ്ച വൈകിട്ടായിരുന്നു സംഭവം. കാക്കനാടുള്ള കോൺട്രാക്ടറുടെ കീഴിൽ ജോലിചെയ്തുവരികയായിരുന്നു വികാസ്. കോർപ്പറേഷൻ കെട്ടിടം പെയിന്റ് ചെയ്യാനായി ഇരുമ്പ് പൈപ്പിൽ ബ്രഷ് ഘടിപ്പിച്ചിരുന്നു. ഇത് വൈദ്യുതിക്കമ്പിയിൽ തട്ടി ഷോക്കേൽക്കുകയായിരുന്നു.