പാലക്കാട്: രാഹുൽ മാങ്കൂട്ടത്തിൽ പ്രതിയായ ബലാത്സംഗ കേസിലെ പോലീസ് എഫ്.ഐ.ആറിൽ പരാമർശിക്കുന്ന ഫ്ലാറ്റ് കേന്ദ്രീകരിച്ച് വിശദമായ അന്വേഷണം നടത്തണമെന്ന് ബിജെപി പാലക്കാട് ജില്ലാ അധ്യക്ഷൻ പ്രശാന്ത് ശിവൻ. രാഹുലിന്റെ സംരക്ഷകൻ ആരാണെന്നും ഫ്ലാറ്റ് ആരുടെ ഉടമസ്ഥതയിലുള്ളതാണെന്നും കണ്ടെത്തണമെന്നും അദ്ദേഹം ആവശ്യപ്പെട്ടു.(Investigation should be conducted focusing on the flat, Prasanth Sivan on Rahul Mamkootathil issue)
ഫ്ലാറ്റിൽ വെച്ച് പീഡനം നടന്നതായാണ് എഫ്.ഐ.ആറിലുള്ളത്. ഇതിന് ഒത്താശ ചെയ്തവരെ പുറത്തുകൊണ്ടുവരണം. അതിജീവിതമാരെ സംരക്ഷിക്കുന്നതിന് പകരം അവരെ അധിക്ഷേപിക്കാനാണ് കോൺഗ്രസ് ശ്രമിക്കുന്നത്. രാഹുലിന്റെ രാജി ആവശ്യപ്പെടാൻ കോൺഗ്രസ് നേതൃത്വം തയ്യാറാകാത്തത് ലജ്ജാകരമാണെന്നും പ്രശാന്ത് ശിവൻ കൂട്ടിച്ചേർത്തു.