വേങ്ങര: മുലപ്പാൽ ശ്വാസകോശത്തിൽ കുടുങ്ങി മൂന്ന് മാസം പ്രായമുള്ള കുഞ്ഞ് മരിച്ചു. എ.ആർ നഗർ കക്കാടംപുറം കൊടുവാപറമ്പൻ മാപ്പിളക്കാട്ടിൽ സുഹൈർ–ഷാബിയ ദമ്പതികളുടെ മകൻ ദഖ്വാൻ ആണ് മരിച്ചത്. തിങ്കളാഴ്ച രാത്രി കുട്ടിക്ക് പാല് നൽകി ഉറക്കിയതായിരുന്നു. എന്നാൽ ചൊവ്വാഴ്ച രാവിലെ കുട്ടി അനക്കമില്ലാതെ കിടക്കുന്നത് കണ്ട് പരിഭ്രാന്തരായ മാതാപിതാക്കൾ ഉടൻ തന്നെ ആശുപത്രിയിൽ എത്തിച്ചു. പ്രാഥമിക പരിശോധനയ്ക്ക് ശേഷം കുട്ടി മരിച്ചതായി ഡോക്ടർമാർ സ്ഥിരീകരിച്ചു. ഉറക്കത്തിനിടയിൽ മുലപ്പാൽ ശ്വാസകോശത്തിൽ കയറിയതാണ് (Aspiration) മരണകാരണമെന്ന് കരുതുന്നു. കുഞ്ഞിന്റെ അപ്രതീക്ഷിത വിയോഗത്തിൽ നാട് ഒന്നടങ്കം ദുഃഖത്തിലാണ്.