തിരുവനന്തപുരം: കേന്ദ്ര സർക്കാരിന്റെ പിഎം ശ്രീ വിദ്യാഭ്യാസ പദ്ധതിയിൽ ഒപ്പുവെച്ചതിൽ വിദ്യാഭ്യാസ മന്ത്രി വി. ശിവൻകുട്ടിക്കെതിരെ സിപിഐ യുവജന വിഭാഗമായ എഐവൈഎഫ് (AIYF) കടുത്ത പ്രതികരണവുമായി രംഗത്ത്. എഐവൈഎഫ് സംസ്ഥാന സെക്രട്ടറി ടി.ടി. ജിസ്മോൻ ഫേസ്ബുക്ക് പോസ്റ്റിലൂടെയാണ് മന്ത്രിയെ വിമർശിച്ചത്.(If ABVP congratulates, then the Education Department and Sivankutty are on the wrong path, says AIYF)
ടി.ടി. ജിസ്മോന്റെ പ്രതികരണം
തെറ്റായ പാതയിൽ: "പിഎം ശ്രീ പദ്ധതിയിൽ ഒപ്പ് വച്ചതിൽ എബിവിപി ശിവൻകുട്ടി സഖാവിനെ അഭിനന്ദിച്ചിട്ടുണ്ടെങ്കിൽ വിദ്യാഭ്യാസ വകുപ്പും സഖാവും ഈ വിഷയത്തിൽ തെറ്റായ പാതയിലാണ്."
കമ്മ്യൂണിസ്റ്റ് മണ്ണ്: "ധീരന്മാരായ കമ്മ്യൂണിസ്റ്റ് നേതാക്കൾ ജീവിച്ചിരുന്ന മണ്ണാണ് കേരളം. അതുകൊണ്ട് സാമ്പത്തികാവശ്യങ്ങളും രാഷ്ട്രീയാവശ്യങ്ങളും തിരിച്ചറിയാനുള്ള ശേഷി ശിവൻകുട്ടി സഖാവിനുണ്ടാകണം," എന്നും ജിസ്മോൻ ഫേസ്ബുക്ക് പോസ്റ്റിൽ കുറിച്ചു.
പിഎം ശ്രീ വിഷയത്തിൽ സിപിഐ നേതൃത്വവും മന്ത്രിമാരും അതൃപ്തി പരസ്യമാക്കുകയും കടുത്ത തീരുമാനങ്ങൾ പരിഗണനയിൽ വെക്കുകയും ചെയ്യുന്നതിനിടെയാണ് ഭരണമുന്നണിയിലെ യുവജന വിഭാഗവും മന്ത്രിക്ക് എതിരെ തിരിഞ്ഞിരിക്കുന്നത്. നേരത്തെ, പദ്ധതിയിൽ ഒപ്പുവെച്ചതിനെ അഭിനന്ദിച്ച് എബിവിപി പ്രവർത്തകർ മന്ത്രിയുടെ ഓഫീസിലെത്തി അനുമോദിച്ചിരുന്നു.