ചെറുതോണി: മദ്യലഹരിയിലെത്തിയ യുവാവ് അധ്യാപകനെ ഭാര്യയുടെയും മക്കളുടെയും മുന്നിലിട്ട് ക്രൂരമായി മർദിച്ചതായി പരാതി (Teacher Attacked in Cheruthoni). പരിക്കേറ്റ ലിൻസ് ജോർജ് നിലവിൽ ഇടുക്കി മെഡിക്കൽ കോളേജിൽ ചികിത്സയിലാണ്. ശരത്തിന്റെ മകൻ ലിൻസ് പഠിപ്പിക്കുന്ന സ്വകാര്യ സ്കൂളിലെ ഒന്നാം ക്ലാസ് വിദ്യാർത്ഥിയാണ്. മകനെ അധ്യാപകൻ വഴക്കുപറഞ്ഞു എന്നാരോപിച്ചായിരുന്നു ശരത്തിന്റെ അതിക്രമം.
മർദനമേറ്റ ലിൻസ് ജോർജ് വർഷങ്ങൾക്ക് മുൻപ് ശരത്തിനെയും ട്യൂഷൻ ക്ലാസിൽ പഠിപ്പിച്ചിട്ടുണ്ട്. തന്റെ പഴയ അധ്യാപകനെയാണ് മദ്യലഹരിയിൽ യുവാവ് കൈയേറ്റം ചെയ്തത്. തിങ്കളാഴ്ച വൈകീട്ട് സുഹൃത്തിനൊപ്പം ബൈക്കിലെത്തിയ ശരത്, ലിൻസിനെ വീടിനുള്ളിൽ നിന്നും വിളിച്ചിറക്കി മർദിക്കുകയായിരുന്നു. ലിൻസിന്റെ ശരീരത്തിന് ഗുരുതരമായി ക്ഷതമേറ്റിട്ടുണ്ട്.
സംഭവത്തിൽ ശരത് ശശിക്കെതിരെ തങ്കമണി പോലീസ് കേസെടുത്തു. ശരത്തിനൊപ്പമുണ്ടായിരുന്ന സുഹൃത്തിനെതിരെ നിലവിൽ കേസെടുത്തിട്ടില്ലെങ്കിലും അന്വേഷണത്തിന് ശേഷം തുടർനടപടികൾ സ്വീകരിക്കുമെന്ന് പോലീസ് അറിയിച്ചു.
Short Story Summary:
A school teacher named Lins George (37) was brutally attacked at his home in Cheruthoni, Idukki, by a parent for allegedly scolding a first-grade student. The attacker, Sarath Sashi (28), who was reportedly intoxicated, is a former student of Lins. The assault took place in front of the teacher’s wife and children. Lins is currently undergoing treatment at Idukki Medical College. Thankamani police have registered a case against Sarath and are investigating the involvement of his friend who accompanied him.
