കൊച്ചി: പെരുമ്പാവൂരിൽ ഭാര്യയെ ബ്ലേഡ് പോലുള്ള വസ്തു ഉപയോഗിച്ച് വരഞ്ഞ് പരിക്കേൽപ്പിച്ച ഭർത്താവ് അറസ്റ്റിൽ. പെരുമ്പാവൂർ ഇരിങ്ങോൾ വെള്ളൂരംകുന്ന് സ്വദേശിയായ അനൂപ് (46) ആണ് അറസ്റ്റിലായത്.
ഭാര്യ കോടതിയിൽ നിന്ന് സംരക്ഷണ ഉത്തരവ് നേടിയതിന്റെ വൈരാഗ്യത്തിലാണ് അനൂപ് ആക്രമണം നടത്തിയതെന്ന് പോലീസ് അറിയിച്ചു.
വ്യാഴാഴ്ച ഉച്ചയ്ക്കാണ് സംഭവം. പെരുമ്പാവൂരിൽ ഭാര്യയുടെ ഉടമസ്ഥതയിലുള്ള തുണിക്കടയിൽ അതിക്രമിച്ചു കയറിയ അനൂപ് ബ്ലേഡ് പോലുള്ള മൂർച്ചയേറിയ വസ്തു ഉപയോഗിച്ച് മുഖത്തും കാലുകളിലും വരഞ്ഞ് പരിക്കേൽപ്പിക്കുകയായിരുന്നു. പെരുമ്പാവൂർ പോലീസാണ് ഇയാളെ അറസ്റ്റ് ചെയ്തത്.