തിരുവനന്തപുരം : വിഴിഞ്ഞത്ത് മദ്യ ലഹരിയിൽ ഭാര്യയുടെ കാൽ അടിച്ചൊടിച്ച കേസിൽ ഭർത്താവ് അറസ്റ്റിൽ. വെണ്ണിയൂർ വവ്വാമ്മൂല ചരുവിള വീട്ടിൽ രാജേഷ് തമ്പി (41) യെ ആണ് പോലീസിന്റെ പിടിയിലായത്.
മദ്യപിച്ചെത്തി മർദിച്ചത് സംബന്ധിച്ച് വനിത കമ്മീഷനിൽ പരാതി നൽകിയ വൈരാഗ്യത്തിലാണ് ഭാര്യയെ ആക്രമിച്ചത്. പ്രകോപിതനായ പ്രതി കഴിഞ്ഞ ദിവസം പ്രതി ചുറ്റിക ഉപയോഗിച്ച് ഭാര്യയുടെ മുതുകിലും ഇരു കാലുകളിലും അടിച്ചു. ഇതിൽ വലതു കാലിനു മൂന്ന് പൊട്ടലുണ്ട്.
ചികിത്സക്കായി ഡോക്ടറിനു മുന്നിൽ എത്തിച്ചപ്പോൾ അടിച്ച വിവരം പറഞ്ഞാൽ കൊല്ലുമെന്നും പ്രതി ഭീഷണിപ്പെടുത്തി. പിന്നാലെ വീട്ടിൽ നിന്നും പുറത്തിറങ്ങിയ ശേഷം ഇവർ പൊലീസിൽ വിവരം അറിയിക്കുകയായിരുന്നു. കോടതിയിൽ ഹാജരാക്കിയ പ്രതി നിലവിൽ റിമാൻഡിലാണ്.