തിരുവനന്തപുരം: കനത്ത മഴയും കാറ്റും ശക്തമായ സാഹചര്യത്തിൽ പതിനൊന്നു ജില്ലകളിലെ വിദ്യാഭ്യാസ സ്ഥാപനങ്ങൾക്ക് കളക്ടർ അവധി പ്രഖ്യാപിച്ചു(Holiday). തൃശൂർ, കാസർഗോഡ്, മലപ്പുറം, കോട്ടയം, ഇടുക്കി, വയനാട്, കണ്ണൂർ, എറണാകുളം, കോഴിക്കോട്, പാലക്കാട്, പത്തനംതിട്ട ജില്ലകളിലാണ് കളക്ടർ അവധി പ്രഖ്യാപിച്ചത്. എന്നാൽ കണ്ണൂർ, കോഴിക്കോട് ജില്ലകളിലെ കോളേജുകൾക്ക് അവധി ബാധകമല്ല. 11 ജില്ലകളിലെയും റസിഡൻഷ്യൽ സ്കൂളുകൾ തുറന്നു പ്രവർത്തിക്കും.
കുട്ടനാട്, അമ്പലപ്പുഴ താലൂക്കുകളിലെ വിദ്യാഭ്യാസ സ്ഥാപനങ്ങൾക്കും കേന്ദ്ര ഭരണ പ്രദേശമായ മാഹിയിലും ഇന്ന് അവധി ബാധകമായിരിക്കും. ജില്ലകളിലെ പ്രൊഫഷണൽ കോളേജുകൾ ഉൾപ്പെടെയുള്ള വിദ്യാലയങ്ങൾ, അങ്കണവാടികൾ, മതപഠന സ്ഥാപനങ്ങൾ, ട്യൂഷൻ സെൻ്ററുകൾ, സ്പെഷ്യൽ ക്ലാസുകൾ എന്നിവയ്ക്ക് അവധി ബാധകമായിരിക്കും.