കൊടും കുറ്റവാളി ഗോ​വി​ന്ദ​ച്ചാ​മിയെ വീണ്ടും ചോദ്യം ചെയ്യും; തേടുക നിർണായക ചോദ്യങ്ങൾക്കുള്ള ഉത്തരങ്ങൾ; ചോദ്യം ചെയ്യൽ കോടതി അനുമതിയോടെ | Govindachamy

തൃ​ശൂ​ർ: സൗമ്യ കൊലക്കേസ് പ്രതി ഗോ​വി​ന്ദ​ച്ചാ​മി​ ജയിൽ ചാടിയ സംഭവത്തിൽ വിശദമായ ചോദ്യം ചെയ്യലുണ്ടാകുമെന്ന് പോലീസ് അറിയിച്ചു(Govindachamy). കോടതിയുടെ അനുമതിയോടെ വി​യ്യൂ​ർ സെ​ൻ​ട്ര​ൽ ജ​യി​ലി​ൽ വ​ച്ച് തന്നെയാകും ഗോ​വി​ന്ദ​ച്ചാ​മി​യെ വീണ്ടും ചോദ്യം ചെയ്യുക.

ഒപ്പം പ്രതി ജയിൽ ചാടുന്ന വിവരം അറിയാമായിരുന്ന സ​ഹ ത​ട​വു​കാ​രാ​യ തേ​നി സു​രേ​ഷ് ശി​ഹാ​ബ്, സാ​ബു, വി​ശ്വ​നാ​ഥ​ൻ എ​ന്നി​വ​രെ​യും ചോ​ദ്യം ചെ​യ്യും. ഏതു വിധേനെയാണ് ജയിൽ ചാടിയത്, ആർക്കൊക്കെ ഈ വിവരം അറിയാം, ആരൊക്കെ സഹായിച്ചു തുടങ്ങി നിർണായകമായ ചോദ്യങ്ങൾക്കുള്ള ഉത്തരമാണ് തേടുക.

അതേസമയം ക​ണ്ണൂ​ര്‍ സെ​ന്‍​ട്ര​ല്‍ ജ​യി​ലി​ൽ നി​ന്നും ജൂലൈ 25 നാ​ണ് ഗോ​വി​ന്ദ​ച്ചാ​മി ജയിൽ ചാടിയത്. രക്ഷപെട്ട് 4 മണിക്കൂർ കഴിയും മുൻപ് പോലീസ് ഇയാളെ പിടികൂടുകയും ചെയ്തു.